مرســـــال لحبيبتي ...

مرســـــال لحبيبتي ...

حبيبتي / _____________

وهكتب ليـــــــــــــه حروف اسمك !!
ماهو انتي في قلبي ساكنة القلب عارفة بقصتي وحالي
ومين غيرك في قلبي اكتبله مرسالي
أما بعد ..
منيييش عارف ده الجواب الكام
معنتش بحسب الصفحات
معنتش بحسب الاقلام
معنتش بحسب اللي ضااع من الاوهام
كفايه اني بحبك بس ..
وقلبك لو بقلبي حس ..
او شاف حالة في بعادك
لصلي لربه واستغفر لذنبه وصام
وياما في نفسي
يااااااااااااما يااااااااما في نفسي
تيجي لقلبي وتحني
ولازم تعرفي اني لا انا عفريت ولا جني
بحبك بس إيدي أقصر كتير مني
فمش هقدر أجيبلك م الدهب كفة
واجيبلك م الياقوت كفة
ومش هقدر أجيب الوالي في الزفة
ومش هقدر أجيبلك بيت يموت القطر لو لف في حماه لفة
كفايه اني بحبك موت وحب الناس ملامة وعار
وحبي عكسهم عفة

ولو ترضي
ولو ترضي فعندي شروط

أنا طبعا بحبك موت ولكن برضوا ليا شروط

انا عايزك تكوني في الوريد دمه ...
وتبقى في عقلي انا همه...
وتبقى ورد جوه القلب غيري يشوفوا يتحسر ولا يشمه

وعايز رمشك الجارح
صراط يجرح فوائد غيري مايرحمش ....
وانا اجيلك
واعدي فوق صراط رمشك ولا اخفش

وحتي لو وقعت في يوم من الخضه
اقع في عنيكي واتوضا...
واصلي ركعتين لله وابوس نن العنين وامشىى
لا انا طماع ولا في طبعي الانانايه
جناين قلبي راح تفضل ولو طال البعاد فاتحه

بحبك قولتها بالكسره نفسي بقى اسمعها بالفتحه