الجبال قالت غروب _ أداء المبدع الجميل محمد عبدالوهاب _ من أغنيات الراحل مصطفى سيد أحمد

#الجبال_قالت_غروب
مافى غير ترضى وتسافر..شيل حقايبك وامشى بينات الشعوب
#مصطفي_سيد_أحمد
#بشرى_الفاضل
مشاركة أداء
الجميل #محمد_عبدالوهاب

هذا النص الرائع للشاعر الرقيق بشرى الفاضل والاغنية واحدة من اصل ثلاث نصوص استلمها مصطفى من الشاعر بموسكو فى العام 90 وهى.. حلوة عينيك .. متخبية والناس عارفنك .. والجبال قالت غروب.. وغناها مصطفى جميعا.. لم تجد الاغنية حظها من الرواج وربما لندرة التسجيل.

الجبال قالت غروب
لا المزامير راح تغنى
لا الهجايع راح تذوب
الحزن غطى المسارق
والدروب
مافى غير تلكع تسافر
شيل حقايبك...
وامشى بينات الشعوب
وينك الوحشة التزازيك يا صباح
مسخو الليل بى مزازيك النباح
مافى غر ترضى وتسافر
شيل حقايبك..
وامشى بينات الشعوب
وينك الصحرة
التحجيك بى ام بعلو
الشجر فارد يباسو
وضامى ضلو
والسموم تتحمى تشويك
والعقارب ..
حتى لو غطيت وشيك
ايدك الممدودة ما بتكفيهو كلو
مافى غير تسرع تسافر
شيل حقايبك ..
وامشى بينات الشعوب
الظلام حيران وحيد
من غير جناح
غنت القمرية فى قلب الخلا
قوقى .. قوقى
وايش تقول ؟؟
يا ليل صباح؟؟
الظلام حيران وحيد
من غير جناح
قتّ نان كيفن نسوى؟؟
جات نسايم هابة
من جهة الجنوب
صرخّت فيك يا مسيكين
شيل سلاحك
أرضى أرضى
جوى جوى
اللهب من غير جمر
كيفن نسـّوى؟؟
أبقى حالم ولم كلامك
لى زمن من غيرعيوب
ولا سافر
أمشى فى درب السحابة
وجيبة لى أماتنا
زى حطب الفزع
وأرفع الفاس كسرة
ينزل مطر
مافى غير ترضى وتسافر
شيل حقايبك
وأمشى بينات الشعوب


إشترك في القناة وفعل الجرس ليصلك كل جديد

قناة
‪@Nadus_Sudan‬