Davide Van De Sfroos - Padre Mazinga (Fan-Made Video) [2020 REMAKE]

Padre Mazinga, è un singolo di Davide Van De Sfroos uscito nel 2017 sulla sua app ufficiale.
Tre anni fa ne realizzai una visual in fretta e furia, ma in questi tre anni ho cercato di migliorare le mie abilità, e direi che la differenza è notevole.
Tra non molto tempo la vecchia visual tornerà online.
Ci terrei inoltre che questo video arrivasse in qualche modo a Davide, quindi vi chiedo di lasciare un like in caso questo video vi sia piaciuto e, se vi va, di condividerlo con tra amici, grazie per il supporto!


TESTO:
E quand che gh’era el Finimuund, l’era setaa gio’ in gabinett
ma luu l’ha gnanca faa una piega e l’ha finii el so’ giurnalètt
Gli gridavan di evacquare... luu respuund: "Sun dree a fa quèll!!"
l’hann truvaa mezz’ura dopu, che sultàva via un cancèll...

El so’ cervèll senza verniis, urmai l’è un puzzle senza i tòcch
cun’t i so’ oecc de candeggina e i gaamb pesaant che paren sciùcch
l’è staa tropp teemp in una branda, cumè una foeja de lattuga
con due buchi nelle mani, porta le stimmate della sua fuga

El cerca el so’ roveto ardente, suta el puunt de la Ghisulfa
l’è pruunt ammo’una volta a sfidà el muund… e tuta la sua sulfa
PADRE MAZINGA… PADRE MAZINGA TURNERA’ A CA’ PREMA DE NOCC...

Quaand che vurèva na’ in seminari, l’hann ubbligaa a fa’ el trumbee
a l’è scapaa cul Motobecane fina a Parigi e turnà indree
A Notre Dame l’ha veduu un angel in una sorta de appariziòn
cun scià in mann una cruus de tubi, rubinitt e guarnizion...

“Sun menga che per ditt che un’anima la se ripara cumè un cèss
ma el meccanismo dell’acqua che scurr, in fondo a l’è poe istèss...
pensa alla doccia che nèta tutt e l’acqua spurca la và in del tumbènn
sun che per dìtt che ‘l tò destèn l’è menga suta un lavandènn...

Regordess bee che purtà in giir la parola del Signuur
l’è impedì che l’acqua de fogna la turna indree nel misceladuur..."
PADRE MAZINGA... PADRE MAZINGA TURNERA’ A CA’ PREMA DE NOCC...

Nei sobborghi pussee devastaa, pareva quasi un missiunari
el pregava insèma a quii geent naufragaa in un urinari
quand che la forza de quajvedoenn perdeva acqua e cunvinziònn
el cercava nella sua Bibbia un zicch de canapa e silicònn

Cun la sua cruus de tubi crumaa... e l a sua tònega fada cul tòni...
s’è abituaa a sgarlà in de la merda e a ripescà i anej dai sifoni
"Se riesset menga a ciapà la mira per fà el segnu de la cruus
slàrga i bràsc verso chi g’ha bisogn che l’è un segnu pussee curagiuus..."

Ma un infiltraa nel cuu dell’infernu gh’avriss bisogn de una cupertuura
quaand l’hann cargaa in soe l’ambulanza i g’hann parlaa de “Una piccola cura”
PADRE MAZINGA... PADRE MAZINGA TURNERA’ A CA’ PREMA DE NOCC

“Non potete farmi questo... Sono l’Idraulico di Dio!
Chi si tuffa nei pozzi neri come riesco a farlo io?
L’è pussee facil sultà in del maar che scultà i ball de una cunchiglia
l’unica acqua che adess maneggi l’è quèla per toe gio’ la pastiglia...”

Si fece scuro su tutta la terra e fu li’ che la terra tremò...
Gli infermieri gli urlavan di uscire ma lui rispose di NO!
"El Padreternu el lassa mea un uperàri in cassa integraziònn"
e dalle pagine del Diabolik el g’ha daa la soluziònn...

“Anca se g’ho pioe la cràpa, g'ho mea perduu la via
e portero’ la sua Parola... (De Sfroos) ...scunduuda in de la mia...
PADRE MAZINGA...PADRE MAZINGA TURNERA’ A CA’ PREMA DE NOCC

Dove non arriva... la tua preghiera millimetrata
dove le anime ruggiscono e la tazza l’è intasaada
"Vedareet ruvà la mia umbriia... lunga lunga in mèzz alla strada
e la mia cruus de tubi crumaa... sempru bèla lustraada

Nel pussee ciaar di dè... e nella nocc pussee scura
nissoen de vi’ooltri el g’ha de vècch paguura"
GHE MENGA PASTIGLIA, PISTOLA O SIRINGA, CHE PODA FERMAA...
PADRE MAZINGA!
PADRE MAZINGA...PADRE MAZINGA TURNERA’ A CA’ PREMA DE NOCC!