Депутаттың нәтижесі. Аманжол Әлтай

Домбырасын шертіп, ақындар айтысында алдына жан салмай, шәкірт оқытып жүрген Аманжол Әлтай қалайша депутат болып шыға келді? 2020 жылы елде праймериз деген ұғым пайда болды. Депутат болғысы келетіндер партияның сүзгісінен өту үшін праймеризге қатысып, біліктілігін көрсетіп жарысқан еді. Осы сайысқа ақындықтан, оқытушылыққа өткен Әлтай мырза да қатысып, депутат болуға бел буыпты. Сол үшін елу жасымда бірінші рет партияға кірдім дейді. Жеңімпаздығы бұл жерде де айқындалды. Аманжол Әлтай праймеризде бірінші орынға өтіп, Аманат партиясының резервінде тұрды. Парламент мәжілісінде орын босаған кезде ағымдағы жылдың наурыз айында партия басшылығы Аманжол Әлтайға депутат болуды ұсынады. Жылы-жұмсақ орынға неге келмеске. Келді. Бірақ депутат болу оңай емес екен дейді ол.