ماني بعنتر زماني بس يعرفني زماني مهداه الى بندر الريس كلمات الهاب الوسيدي اداء خالد ال بريك 2025

بندر العتيبي © القناة الرسمية

الحسابات الرسمية :

سناب : https://bit.ly/2CMLU2o
تويتر : https://bit.ly/32k9XOV
تيك توك : https://vm.tiktok.com/ZSJsMRpSk/
القناة الثانية : https://bit.ly/2Ey5akC
الجوال : 0552428209

يامنزل سورة الاخلاص والسبع المثاني
لا إله إلا انت يامن تغني الخلق وتعيده

باسمك الحرز المتين وذكرك حزام الاماني
مايخيب اللي تجود في عراويك الجويده

اهدني للحق والابداع في سحر البياني
واحمني من زلتي يلقى بها الحاسد مكيده

يوم دق الشعر هاجوسه براسي وحتداني
وتجاه البوصله يشر سهمها صوب ضيده

والله اني جيت عاني من وفا ماجيت اعاني
واتمناها وحانة فرصة العمر الوحيده

من كثر ماقلت انا حسيت نفسي شخص اناني
كل ماغريت من فرصه تمنيت الجديده

شاعراً ربي كتب لي حكمة الشعر وعطاني
انشد التاجر عن املاكه ومثلي وش جديده

العرب تملك فلوس وتملك صكوك ومباني
اما انا والحمدالله والثنا عندي قصيده

اكتب اسمي فوقها واعانق سهيل اليماني
وافرش افراشي على القمه وانا على الحديده

ان بغيت احرك الهاجوس واسوق المعاني
مستعد انوخ الهامور واخذ من رصيده

بس ماهذي قناعاتي ولا هذا بشاني
القريحه ماهي بصفحه للاعلان بجريده

مستحيل الشعر ينحابي بعيدً عن مكاني
لو ارد بحوره الستت عشر جمله مفيده

ماني بعنتر زماني بس يعرفني زماني
ينطحه بالصبر والاصرار وعزومي شديده

القناعه كنز لكن الكرامه كنز ثاني
كل يوم يواجه الرجال درس يستفيده

اعظم ايات الثبات اللي على الحق وتفاني
قصة ابراهيم والنمرود والنار الوقيده

اتفه اخبار المهبل والهمج والهيملاني
في كتاب مسيلمه ولا عن مطوع بريده

يالله اني طالبك ترفع مقامي وتحماني
عن تفاهات الحياه وحاجة النفس الزه

ان مدحت امدح على قول وفعل وكسب رهاني
وان بغيت اصد خليت الغشيم يروح سيده

ماعرف وضعي وبادرني بطيبه واحتواني
يوم جيته والمسافه بيني وبيه بعيده

غير اخوي اللي وقف في جنبي اكثر من اخواني
من عرفته والصداقه ثابته مثل العقيده

بلغو بندر تحياتي وشكري وامتناني
الله يقويه ويمده من الخير ويزيده

الكريم اللي يديه تسور وكفوفه مواني
ماتمل من العطا والمال تفنيه وتبيده

بندر الريس وريث العز من ساس ومجاني
ماورث من بعد ابوه الا مزاياه الحميده

ان كرم برك عيال البل على بيض الصواني
وان بطش بطشه يذل الخصم وينزح حديده

ارجحن طالت يمينه مع طويلين اليماني
جعل خيره دايم في زود وسنينه مديده

جعل ضيف الله مع الابرار في خضر الجناني
اشهد ان الشايب المرحوم عقب له وليده

شايب ذكره بقى بين العرب والعمر فاني
والكريم يورث الامجاد لبنه ولحفيده

الفريدي ماخلق الله ضعيف ولا جباني
حي والله من عتامه روس ميزه فريده

والعتامه مستحيل تصير في روس الهداني
لو نزرعها بدمه ونحقنها في وريده

مارفع رايتهم عند العرب قاصي وداني
غير من قو العناد نطوع الروس العنيده

عاد حنا حرب وابنا عم وربوع وعواني
جيره ورفقه وسلم علم وامورً عديده

الكلام اللي على وضح النقا سر وعلاني
ودي اني كل يوم على اقف المنبر واعيده

قبل صح الله بدنك وقبل صح الله لساني
والله ان مواقفك تسوا لها مية قصيده