كوكب مشاية | حيدر البياتي | قصيدة المشاية 1446 هـ

قصيدة كوكب مشاية - قصيدة المشاية 1446 هـ 2024 م
🎙 أداء وألحان: الرادود حيدر البياتي النجفي
✍️ كلمات: الشاعر مصطفى العيساوي

📍 المكان: العراق – النجف الأشرف – حي الرحمة
🏴 المناسبة: مجلس عزاء هيئة خدمة عبد الله الرضيع
📆 العام: صفر 1446 هـ / 2024 م

🎬 مونتاج: محمد كاظم مجيد
🎧 مكساج: حسن يونس
🎼 توزيع: قاسم حمادي


🎼 كلمات القصيدة – توقيت الأداء:

00:00 روايات مشاية
كربله صارت كوكب دري وبيها يلم كل احبابه
وكل المجموعة الشمسية اطوفه وتسجد يم بابه
للسمه نصعد من نمشيله وسمه تتبرك بترابه

بالعرش نشوفه
ونصعد ونطوفه
خيمتنه حروفه
حسين حسين

كوكب مشايه او جيناك
عالمنه الاول شفناك
كل حُر بالدنيا ناداك
لبَّيك حُسين
———

01:44 تحزمنه توكلنه
ورايه تسولف يم رايه
محد لَمّ المشايه
بس كوكب صحن حسين

سيدهم وحدهم
اول حاكم بالعالم
يجمع ذرية آدم
هذا الحب اعظم دين

مثل نجوم الناس تطوفه ما اعظم هذا القائد
من كل دوله وكل جنسيه يجمعهم كوكب واحد

عالمنه الاول
حب ما يتبدل
غيرك ما نندل
يم غيرك ننذل

اسمك يم صخره گلناه
يحسين وصاحت الله
صوت الحريه معناه
لبيك حسين
———

04:04 زوارك انصارك
مو وحدك يوم العاشر
مو زاير وبصف زاير
مليون بصف مليون

نادينه سبعينه
ما خلص وكت النصره
كل واحد طف بكبره
زوارك خلفة جون

كلمن شكله وكلمن لونه بس كلهم نفس النيه
حسين مصفي گلوب العالم باخلاقه الانسانيه

موقف انساني
عالحب رباني
ثبت ايماني
ديني وعنواني

القران بدربك مشاي
عرش الله يطوفك مولاي
صيحات الرايح والجاي
لبيك حسين
———

05:42 يا فطره .. للفقره
يالحبك مو اسطوره
شايب شفنا يم صوره
بچفوفه يشربك ماي

وحجيه .. محنيه
تمسح بالصوره عيونك
تگلك مولاي اشلونك
يالعايش دوم وياي

واذكر امي تكلي وليدي العايفهم باطل دينه
ماينقاس الزلمه بشارب زلمه الما عاف حسينه

حيرت الوادم
ميت بس حاكم
شفنه اكبر عالم
يم بابك خادم

چم عابس عندك مجنون
حفاي بدربك يمشون
ناس بكل خطوه يصيحون
لبيك حُسين
———

08:20 مشايه .. والرايه
رتبه وصارت بمتوني
جربوني وشدو عيوني
هم اندل درب الحسين

اندله .. واوصله
لو اطلب منه الگبه
ايگلي اتدلل مو صعبه
اترس چفك والعين

أغنه انسان بهاي الدنيه وبخيره مغرك ناسه
تاخذ منه الحاجه بچفك بس حلفه بچف عباسه

ضامي وروانه
عاري وغطانه
وادم سوانه
طاح وعلانه

الحج بعمرك ايام
وحسين تزوره بكل عام
زوار تنادي وخدام
لبيك حسين

🔔 أعزائي الأحباء، اشتراككم في قناتنا دعم دائم لنا لخدمة محمد وآل محمد عليهم السلام.
لا تنسوا تفعيل زر الجرس ليصلكم كل جديد. شكراً لدعمكم! ❤️


🔗 تابعوا الرادود حيدر البياتي النجفي على الحسابات الرسمية:
YouTube:    / haidaralbaiaty  
Facebook:   / haydaalbaiaty  
Instagram:   / haidar_albaiaty  
Twitter:   / haydar_albaiaty  
TikTok:   / haidar_albaiaty  
Telegram: http://www.telegram.me/Haideralbaiaty

#حيدر_البياتي #كوكب_مشاية #قصيدة_المشاية
#الرادود_حيدر_البياتي_النجفي #صفر1446
#هيئة_عبدالله_الرضيع #لطميات_المشاية #زيارة_الاربعين #لبيك_يا_حسين #عزاء_حسيني #اشترك_وفعل_جرس_التنبيهات