İstediğimi buldum eşkere cân içinde | Mustafa Tatcı | Yûnus Emre ks.

***
İstedügümi buldum eşkere cân içinde
Taşra isteyen kendü kendü nihân içinde

Kâ’imdür hîç ırılmaz ansuz kimse dirilmez
Adım adım yir ölçer kendü revân içinde

Bu tılsımı baglayan cümle dilde söyleyen
Yire göge sıgmayan girmiş bu cân içinde

Ugrı olmış ugrılar kendü kendüyi çakar
Şahne kendüsi olmış kendü zindân içinde

Dutun diyü çagırur ugrı dahı çagırur
Bu ne ‘acâyib ugrı bu çagıran içinde

Siyâset meydânında galabadan bakan ol
Siyâset kendü olmış girmiş meydân içinde

Kudret kılıcın almış nefsün boynını çalmış
Nefsini depelemiş elleri kan içinde

Sayru olmış iniler Kur’ân ünini dinler
Kur’ân okıyan kendü kendü Kur’ân içinde

Yüce yüce ‘Arş düzer kendözin anda bezer
Gör nice cevlân ider hırka palân içinde

Dürlü dürlü ‘imâret köşk ü sarây yapan ol
Kara nikâb dutunmış girmiş külhân içinde

Başdan ayaga degin Hak nûrı seni dutmış
Hak'dan ayru ne vardur kalma gümân içinde

Birisen birlige bak ikiyi elden bırak
Bütün ma‘nî bulasın sıdk u îmân içinde

Orucuna güvenme namâzuna tayanma
Cümle tâ‘at tak olur nâz u niyâz içinde

Oruç namâz gusl u hac hicâbdur ‘âşıklara
‘Âşık andan münezzeh hâssü'l-havâs içinde

Girdüm gönül şehrine taldum anun bahrine
‘Işkıla seyr iderken iz buldum cân içinde

Ol izi ben izledüm sagum solum gözledüm
Çok ‘acâibler gördüm yokdur cihân içinde

Şâh oluban oturur kula buyruk tutdurur
Fermânını buyurur kendi fermân içinde

Yûnus senün sözlerün ma‘nâdur bilenlere
Söyleyeler sözüni devr-i zamân içinde

***
Güfte: Yûnus Emre ks.
Beste: Mustafa Tatcı
***

H Kitap Kahve
✅Adresi:
Sultantepe Mah. Paşa Limanı Cd. No:48 1 D:1, 34674 Üsküdar/İstanbul
✅Konum:
https://goo.gl/maps/biSKjdE8PVdmD3cj8
✅Telefon:
02165323313

***
Mustafa Tatcı'ya ait eserleri bu siteden temin edebilirsiniz:
H Yayınları - https://hyayinlari.com/
*

#tasavvuf #aşk #insan #sohbet #irfan #tevhid #canlıyayın #canlı #niyazi #niyazimısri #divan #mısri #muhabbet #yunus #emre #yunusemre