蝦子麵淥麵技巧

一路以黎我地都諗點可以教大家點淥好一個麵
自已拍片又試過、自己搵人做video又試過........
每次都有好多人會問
到今日..........我地決定出埋卡通！去教大家點淥麵！
真係細路都識呀喂！
有請我地既吉祥物濃蝦仔出黎！
（其實我地除左濃蝦仔，黎緊仲有唔同角色，如果你地發覺到片入面有另一個角色，可以響下面cap個圖留個言，我地就會PM 個5%折扣優惠碼比你）
教大家點先可以淥好一個麵！！
以下文字version鐘意睇就睇啦下 😛
________________________________________________________________________
淥麵小知識之…真係保你大😂
近日有人問小編，喂老闆，做咩d麵會淥到起糊既？
咁我就問下佢，你用咩方法淥嫁？有冇依足fb呢個方法？佢話有呀，400cc水麻！
咁我又再問…你個煲有幾大同淥左幾耐…
客人A：我拎左個大煲黎淥麵…碗半水…下刪一百字…
(咁當然會糊晒啦！個水都蓋唔到麵身…)
客人B：我聽人講呢…話凍水落麵好食d...下刪一百字…
（😭😭😭好既麵係唔駛凍水落嫁…因為麵要彈牙就要脆…脆既麵其實好考師傅既功夫。
是但搵個學師仔做又硬既麵一街都買到…如果你買麵返黎係硬既…咁就真係凍水淥…淥完好似食緊BB食品咁囉…😭）
最好既淥麵方法係…用個細煲，飯碗碗半到兩碗水，水滾後，記住係水滾後先落麵…用筷子“了”散個麵就得！（根據個人喜好，淥分半到兩分鐘就搞掂，鐘意彈牙就快快起鑊，鐘意淋既就淥耐d）
有人話淥完就倒左d湯去…但…亲…虾子面汤底是精华喔！…做咩咁浪費😭😭記住連湯倒落碗呀！
大家又可以recap返淥麵第一編…
  / 1849164098654812  
為左大家食得好d，所以我決定寫多次…淥多次俾大家睇！
一碗到一碗半水(約400cc) 煲滾後，把麵放入沸水中（水要蓋過麵身）大約兩分鐘至散開，無需過冷河，連湯放入碗中即可食用
一碗到一碗半水(約400cc) 煲滾後，把麵放入沸水中（水要蓋過麵身）大約兩分鐘至散開，無需過冷河，連湯放入碗中即可食用
一碗到一碗半水(約400cc) 煲滾後，把麵放入沸水中（水要蓋過麵身）大約兩分鐘至散開，無需過冷河，連湯放入碗中即可食用
冇錯！重要既事情係要講三次！
我明睇文字係好辛苦…為左要教識大家…我決定食飽飯之後，冒住肥過秦煌既風險，為大家示範淥一隻麵（之後好有衣食咁食左佢…）咁大家睇完呢個30秒短片，應該都識做個識食之人嫁喇！
如果大家都跟住我咁做都淥到起糊…小編會邀請你同我瘋狂…淥麵…淥到你識為止！