الحكاية 15 ~ الفوسفور - Phosphorus

قانون جزر جوانو : هو قانون صدر في الولايات المتحدة الأمريكية في الثامن عشر من أغسطس سنة 1856 وصادق عليه الكونغرس الأمريكي، وهو يمكّن أي مواطن أمريكي من الاستحواذ باسم الويات المتحدة على أي بقعة جغرافية حاوية على الجوانو ما دامت غير تابعة إقليمياً لأي دولة أخرى.
تعود أهمية الغوانو لكونه مصدراً طبيعياً لعنصري النتروجين والفوسفور، اللذان كانا مهمين لصناعة وتحضير الأسمدة؛ خاصة أن الوسائل الصناعية لم تكن متقدمة بالشكل الكافي للحصول على بدائل في تلك الآونة.

حرب جزر تشينتشا، المعروفة أيضًا باسم الحرب الإسبانية-الأمريكية الجنوبية (بالإسبانية: Guerra hispano-sudamericana)، هي سلسلة من المعارك الساحلية والبحرية بين إسبانيا ومستعمراتها السابقة في بيرو وتشيلي من عام 1864 إلى عام 1866. بدأ الصراع باستيلاء إسبانيا على جزر تشينتشا الغنية بسماد الغوانو في واحدة من سلسلة من المحاولات التي نفّذتها إسبانيا في عهد إيزابيل الثانية وذلك لإعادة بسط نفوذها على مستعمراتها السابقة في أمريكا الجنوبية. شهدت الحرب استخدام الدارعات، بما في ذلك سفينة نومانسيا الإسبانية -أول دارعة تبحر حول العالم.

الفوسفور أو حامل الضياء باللغة اليونانية القديمة
يعتبر أول عنصر يتم اكتشافه فى العصور الحديثة ، وليس له اي استخدامات معروفة فى الماضي
الفوسفور تم اكتشافه بالصدفة ، وبدون قصد .. علي يد تاجر ألمانى يسمى Hennig Brand
كان معروف في بداية حياته انه صانع زجاج ، ولعل دي بداية معرفته بالكيمياء ... سنة 1669 كان براند مفلس ،، تجارته راكده .. و قرر انه يسخر كل موهبته ومعلوماته فى تحضير (حجر الفيلسوف)... نعم ، الحجر اللي اتكلمنا عنه اكتر من مرة قبل كدة واللي فلاسفة وعلماء كتير حاولوا يحضروه بلا فائدة اللهم الا تطور علم الكيمياء .. ولو انت اول مرة تسمع عنه ف الحجر ده هو مادة أسطورية افترض الفلاسفة ان فيها اكسير الحياة وانها بتمنح الخلود وانها بتحول اي عنصر للدهب..
وبدأت محاولات براند انه يحضر حجر الفيلسوف ... يا تري يا براند هاتحضره ازاى؟؟؟
من البول ... اه والله زى ماباقول لك كده ... بدأ يجمع كميات ضخمة من البول البشري .. لا ضخمة ضخمة .. جمع اكتر من طن من البول ... وسابه يتخمر كذا يوم وبعدين بدأ يغليه.. سد مناخيرك بقي لأن الريحة كانت شنيعة فعلا.. فضل براند يسخن البول المتعفن لحد ما بقي مادة هلامية .. فضل بردو مكمل تسخين لحد ما اتحولت لمادة شمعية بيضاء ... الفوسفور ...
من طن البول ، حضر حوالي 60 جرام من الفوسفور الأبيض .. وكانت المفاجئة المذهلة ... هو ده حجر الفلاسفة! لا طبعا ... لكن المادة البيضاء دى لما بتتساب فى الهواء .. بتشتعل وبتشع ضوء خلاب مبهر .. ولذلك هينيج براند سماها
phosphorus mirabilis
أو : المعجزة حاملة الضياء
وفضل هينيج براند مخبي سر العنصر حامل الضياء ، بعقلية تاجر ، ومافيش حد عرف هو حضره ازاي لحد ما باع السر ده ل شخص اسمه يوهان دانييل كرافت اللي بدأ يلف دول اوروبا ويحاول يكسب من ورا الفكرة دى ... لحد ما السر اتسرب ووصل لروبرت بويل ...
و لو ما تعرفش مين هو روبرت بويل ممكن ترجع لحلقة : الرجل الذي تحدي أرسطو .. اتكلمنا فيها بالتفصيل عن حياته و عبقريته .
المهم روبرت بويل أخد طريقة براند وطورها .. بدل ما يقعد يغلي البول ، كان بيضيف عليه رمل ( أكسيد سيليكون) و فحم ... وكان بيحصل بردو على الفوسفور.
وهنا بقي يظهر العالم الحقيقي .. لمدة 10 سنوات ما حدش كان عارف العنصر العجيب حامل الضياء ده ممكن نستخدمه في ايه .. لحد ما روبرت بويل قدم أول أفكاره .. أعواد الثقاب .. الكبريت...