عبدالمجيد

عبدالمجيد عبدالله - ساعة الحب

كلمات | العريس
الحان | يزن السقاف
توزيع | علي خفاجي
مكس وماستر | جاسم محمد
‏23 Design Studio | تصميم هوية الزواج
فديو آرت | شاما
اشراف | نواف الزهراني

كلمات الأغنية:

تدق ساعة الحب
واقدارنا والنصيب
تزف لعرش القلب
بنت عبدالله عريب

امشرّعٍ لك باب صدري
وصفّتلك ضلوعي تعرض
اهلاً وسهلاً بك فعمري
اشيلها لك بخفق النبض

وفجّرتلك من اعماق شعري
اللي وانا اقوله لك انتفض
فزّة مشاعر بعروقي تجري
مستبشره فينا اِنا لبعض

سمي بسم الله وادخلي علي
افتني عيني بأجمل ما رأيت
وارفِعي راسك من الحيا شوي
ناظريني واسمعيني لا حكيت

يا ملاكي المُنزلة وسط الرياض
حيّ مِنزالك ونوّرتي المكان
ياللي جنحانك ترفرف بالبياض
وذيل فستانك فرد ريشه وزان

ياللي جيتيني من ابعاد الخيال
معجزه في واقعي اللي به حييت
آيه من الحسن ومضرب للجَمال
حور عين الارض واندر ما لقيت

ياهلابك قرة عيون الفهد
والفرح في وجهي الليلة يبان
ويا عسى هالفرحة تبقى للابد
ونهتني فيها على مَرّ الزمان


ابحمد اللي جاعل الحلم يتحقّق
محيي لنا لحظات عاشت بِنا حلوم

وبْـ ليلة اثنين اثنين ابي يتوثق
إنّي فهدها وهي عريبتي من اليوم

ومبروك يا روحٍ من الفرحه تشقّق
يوم اني صدت وجبتلك ياروحي التوم

روحٍ تفوح بريحة الطيب المعتّق
بنت أطيب الحمايل اطباع وسلوم

وادعلولنا الاثنين بِنّا نتوفق
وان الله يباركلنا وزواجنا يدوم

وما بيننا رحمه ومودّه ومنْتِفَرّّق
وفي كل عام نعيد هالذكرى بهاليوم