Трамп ва Натаняху хақида - Ойбек Исломов | Tramp va Natanyaxu xaqida - Oybek Islomov

Telegramdagi kanalimiz : https://t.me/Islamictalkss
Facebookdagi sahifamiz :   / islamictalks2020  
============================================================

Трамп Натаняхуни қўллаб қувватлади .

Трамп – АҚШда Натаняху билан учрашди. У, бутун дунё қарши чиқаётган сионистик режим бошчиси Натаняхуни қўллаб қувватлаётганини билдирди. Бу билан у, ўзи ва мамлакатини дунё олдида қанчалик таъсирга эга эканини ва у, бутун дунё бир томонга ўтса хам, ўзи уларга бас кела олиши мумкинлигини намоён қилмоқчи бўлди. Фаластинни давлат деб тан олмоқчи бўлаётганларни – “довдирлар” деб хақорат қилди!

Трамп – Ғазодаги хунрезликларда фақат Хамас жамоасини айблаб, яхуд режимини эса, химояланишга мажбур бўлган беъчоралардек кўрсатишга харакат қилди. Хамасга эса, гаровга олган яхудий махбусларини қайтариб бериш, мутлоқ қуролсизланиш, ўзи қатнашмай сайлов ўтказиб вақтинчалик хукумат сайлаш каби шартлар қўйиб, унга 72 соат вақт берди.

Бу харакатлардан қандай тахлиллар чиқариш мумкин?

АҚШ ўзи ва сионистик яхуд режимига нисбатан дунёда шаклланиб бораётган оламий жамоъий нафрат олдида яширинча чекинмоқчи бўлаяпти. Трамп, яхудларни жиловлаб, урушни фақат ўзи тўхтатиб қўйгандек кўринип, халқаро хамжамият олдида оқланмоқчи ва мақтанмоқчи бўлаяпти. Чунки у, Натаняхуга хам, 7 октябрдан кейин хибсга олинган барча Ғазоликларни хам, озод қилишни шарт қилди. Натаняху Трампнинг барча шартларини қабул қилди.
Агар Хамас АҚШнинг шартларига кўнмаса – Трамп, урушни тўхтатиш учун барча чораларни кўрдим, шартлар қўйдим Натаняху рози лекин Хамас рози бўлмаяпти деб, халқаро хамжамият олдида юзини ёруғ қилиб, яхуд режими учун босқинчилик урушига йўл очиб бермоқчи. У холда АҚШнинг ўзи хам, урушда яхудийлар тарафида уни химоя қилиб туради.
Хар икки холатда хам, АҚШ хам, сионист режими хам, ғалабани қўлга киритишлари кутилаяпти. Чунки 2023 йил 7 октябрда Ғазода АҚШ томонидан уюштирилган бу урушдан, ўша вақтидаёқ бугунги оқибатлар, яъни Ғазони мутлоқ вайрон қилиб, ахолисини бошқа ёққа кўчириб юбориш мақсади кўзланган эди.

Араб ўлкаларининг қаршилиги ва халқаро хамжамиятнинг норозилиги кучайиб бораётганидан, Трамп Натаняху билан келишиб, мақсадларини Ғазони алохида кичик бир, “изроил”нинг автаномиясига айлантириш режаси билан ўзгартирмоқчи бўлишаяпти.

Дунёда – қўшстандартлик ўлчамлари илгари яширинча олиб борилган бўлса, энди амалда хам сўзда хам ошкора олиб борилаяпти. Ғазода ўлдирилган, уйлари вайрон қилинган тинч ахолига – Хамасни тийиб қўймагани учун уларнинг ўзлари айбдор дейишаяпти. Сионист режими олиб бораётган очиқ зулм, зўровонлик ва қатлиомларни қўллаб келаётиб ўлдирилган ёки хибсга олинган яхудийларни эса, тинч ахолига тажовуз деб бахолашаяпти.

Яхуд сионистларини химоя қилувчи халқаро сиёсат ва АҚШ сингари хомийлари бор. Биз Мусулмонлар Ғазодаги сингари зулмлансак – бизни химоя қиладиган бирор қувват йўқ. Исломий ўлка етакчилари эса, “яна бир марта ўқ отса, мендан кўрадиганини кўради” деб, сўздан нарига ўта олишмаяпти.

Демак, хар бир Мўъмин-мусулмон – дунёнинг хар четидан туриб, яхудларни қўллаб келаётган халқаро сиёсатга қарши сиёсий ва фикрий кураш олиб бориш билан, Ғазога ва бутун дунёдаги мазлумларга ёрдам берайлик. Куфрга асосланган халқаро сиёсат ва куфр олами хизматида кун кўраётган етакчиларимизга ишонч қолмади! Хар биримиз шахсий ёки жамоий холатда ўз юртимизда, жамиятимизда Исломий қадриятларни кучайтириб, куфр қадриятларига қарши фикрий, сиёсий кураш олиб борайлик. Зора Оллох бизни Ғазодаги зулмга қарши турган хақиқий мўъминлар сафида қилиб, унга беъфарқ турганлар сафидан чиқарса! Ассаламу алайкум.