VIDEO archive ya Agata: N'ubwo amaze iminsi 3 apfuye, Col Bagosora yahemukiye UWIRINGIYIMANA Agata

UWIRINGIYIMANA Agatha

Ni umwe mu bagore bagaragaye muri Politiki mu kinyejana cya Makamyubiri mu gihe mu Isi batari benshi nko mu kinyejana cya 21. mu Rwanda aza imbere cyane mu bagore ba mbere bahamije ko bashoboye nk’ ikimenyetso cyuko abagabo n’abagore bashoboye icyumwe yakora n’undi yakibasha kandi ko bashobora kuzuzanya bagatera imbere. Ababanye nawe bavuga ko yari umuntu uzi gufata kandi agahagarara ku byemezo bye.abana be bahamyako yari umubyeyi mwiza utarigeze wishimira na Rimwe kubarera bajeyi kuribo yari umubyeyi ukwiye.yabaye umuyobozi wa Guverinoma mu gihe u Rwanda rwari rufite ibibazo byinshi byumwihariko ibishingiye ku macakubiri na Politiki zitari zikijyanye n’igihe.uyu mvuga ni Madamu Uwilingiyimana Agathe wabaye Minisitiri w’intebe mu Rwanda mu mwaka wa 1993 kugeza mu 1994.ubu Uwiringiyimana Agathe ni umwe mu Ntwari z’igihugu mu Rwanda guhera mu mwaka wa 1995.mu kiganiro cyuyu munsi Tugiye kugaruka ku buzima bwihariye ndetse n’ibyaranze urugendo rwa Politiki rwa Madamu Uwiringiyimana Agatha cyangwa Madame Agatha nkuko bakundaga kumwita.Iki ni ikiganiro IBYAHISHWE ukurikira ku NTSINZI TV iki wagiteguriwe na BIZIMANA Christian naho jye Wumva ugiye kukikugezaho ndi Prudence NSENGUMUKIZA.
Madamu Uwiringiyimana Agatha yavutse tariki ya 23 mu kwa gatanu mu 1953 ku babyeyi be Juvenal NTIBASHIRAKANDI na Saverine NYIRANTIBANGWA yavukiye ahitwa Segiteri Gikore Komini Nyaruhengeri mu cyahoze ari Perefegetura ya Butare ubu ni mu karere ka Gisagara mu ntara y’amajyepfo.ni ku birometero 140 Uvuye mu mu mujyi wa Kigali ugana mu mu maburengerazuba bw’amajyepfo y’u Rwanda.yavukiye mu muryango w’abahinzi yari umwana wa Gatandatu mu muryango w’abana umunani .ni no muriyo myaka umuryango we wimukiye muri Repubulika iharanira Demukarasi ya Congo icyo gihe yari Congo Mbiligi mu rwego rwo gushakisha imibereho gusa waje kugaruka iwabo I Butare mu 1957.aha ni naho yize amashuri abanza aho yagendaga hafi amasaha abiri ajya ku Ishuri buri munsi aya mashuri yayashoje atsinda ikizamini cya Leta nyuma yaho yahise akomereza mu Ishuri ryisumbuye rya Notre Dame de Citeau mu mujyi wa Kigali rimwe mu meza yari mu Rwanda mu myaka ya 1970 umuryango we ntabwo wari wifashije cyane kuko kubona amafaranga angana 6000 y’u Rwanda yishyurwaga ku gihembwe kimwe muricyo gihe byasabye ababyeyi be kugira amwe mu matungo bari batunze bagurisha kugirango Agatha ajye ku ishuri nyuma yo kubona ibyo bibazo by’ubushobozi kandi hari hakenewe amafaranga yo kumwishyurira. Umubyeyi we ariwe se umubyara yahise aha inshingano musaza wa Agatha wari mukuru witwa Gaspard HANGIMANA kujya gushaka akazi I Kigali kugirango afashe mushiki we kwiga .uyu mugabo wari waraherekeje mushiki we ku Ishuri we bwambere yafashe umwanzuro wo kujya gushaka akazi kugirango afashe mushiki we kwiga kuko niwe wari amizero yo gutera imbere k’umuryango wabo uyu HANGIMANA Gapard we ntiyari yarize
Mu kiganiro yagiranye na KT Press HANGIMANA Gaspard yaragize ati”nari umukozi usanzwe narwanye no gushakisha udufaranga ngo ntangire gushakisha ukuntu nacuruza imyenda yacaguwa .yakoze ako kazi kugirango afashe mushiki we kwiga gusa aza kubona ko ubwo bucuruzi ntacyo buzamufasha ahitamo kujya muri Uganda aho byamutwaye icyumweru ajyayo n’amaguru cyane ko nta mafaranga y’imodoka yari afite .yakoze imirimo itandukanye afasha mushiki we Agatha kurangiza amashuri kuko Agatha kuba yari afite ubwenge n’ubushobozi bwo gutsinda ntibyari ikibazo yari umuhanga bihagije.ibyakozwe na HANGIMANA Gaspard Byagumye ku mutima wa Madamu Uwiringiyimana Agatha ubuzima bwe bwose kuko yarinze apfa ariwe wishyurira abana bose ba musaza we amashuri amwitura ineza yari yaramugiriye akabasha kwiga .Uwiringiyimana Agatha yarangirije muri Notre Dame de Citon mu 1973 aho yavanye impamyabushobozi y’ikiciro cya kabiri cy’amashuri y’isumbuye mu kwigisha.ahita ahabwa Buruse yo kujya kwiga mu ishuri rya IPN (Institut Pedagogique National). mu 1976 yashakanye n’umukunzi we w’Igihe kirekire bari bariganye Bwana Ignace BARAHIRA batura I Butare umwaka ukurikiyeho bahise bibaruka umwana wabo wa mbere.amaze kubona impamyabumenyi yo kwigisha yo ku rwego rwa kaminuza .mu 1983 Madame Uwiringiyimana Agatha yatangiye kwigisha muri Kaminuza Nkuru y’u Rwanda aho yigishaga isomo ry’ubutabire


#IntsinziTV #ColonelBagosora