კომპანიამ “სვანიძის ზეთისხილი“ ზეთისხილის გადამამუშავებელი ახალი საწარმო გახსნა - ინვესტიცია ₾7 მლნ
Автор: Business Media Georgia
Загружено: 2025-10-26
Просмотров: 194
თიბისის მხარდაჭერით, კახეთში, ტარიბანას ველზე, „სვანიძის ზეთისხილის“ ახალი, თანამედროვე გადამმუშავებელი საწარმო ამოქმედდა. ობიექტი 7 მილიონი ლარის ინვესტიციით გაიხსნა, საიდანაც 5 მილიონი ლარი თიბისის კონტრიბუციაა. საწარმოს დღიური სიმძლავრე 150 ტონამდე ნაყოფის გადამუშავებაა, რაც წელიწადში ათასობით ტონა ზეთის წარმოების საშუალებას იძლევა. პროექტის ფარგლებში შექმნილია დაახლოებით 150 სეზონური სამუშაო ადგილი, ძირითადად ადგილობრივი მოსახლეობისთვის. ქარხანა აღჭურვილია იტალიური და გერმანული უახლესი ტექნოლოგიებით, ფლობს ISO სერტიფიკატს და აკმაყოფილებს ევროპულ ხარისხის სტანდარტებს. კომპანიის დამფუძნებლის, გიორგი სვანიძის თქმით, საწარმო საქართველოში ზეთისხილის ინდუსტრიის გარდამტეხ ეტაპად მიიჩნევა. კომპანია უკვე აწარმოებს მოლაპარაკებებს ევროპულ და აზიურ ბაზრებზე — მათ შორის ყაზახეთთან, ჰოლანდიასთან, საუდის არაბეთთან, დუბაისა და ჩინეთთან. მოლაპარაკებები მიმდინარეობს საერთაშორისო საცალო ქსელ „კარფურთან“, რაც საშუალებას მისცემს ქართულ ზეთს ევროპულ და ახლოაღმოსავლურ ბაზრებზე გავიდეს.
Доступные форматы для скачивания:
Скачать видео mp4
-
Информация по загрузке:
