üüzhe 3. Финн географ Йоханнес Гранөнүң кыска намдары, эртем ажылы.

üüzhe 3. Үш дугаар үндүрүлге. üüzhe 3. Финн географ Йоханнес Гранөнүң кыска намдары, эртем ажылының дугайында тайылбырлап турар мен. Гранө Тывага, Барыын Моолга, Алтайга хөй чылдар дургузунда шинчилелдер кылып турган.
Үүжениң ийи дугаар үндүрүлгезинде географ Йоханнес Гранөнүң Моол — Тыва кызыгаарында Нарын хем, Шара-Нуур хөлге аян-чоруунуң дугайында бижээн чүүлүнден үзүндүнү очулдуруп, үлештим. Ол үндүрүлгениң соонда дыка солун чагаалар алдым, Гранөнүң чоруп турган черлерин бистиң улус танып, төөгүнү сактып, бижип тур. Четтирдим!
Чөптүг сүме база алдым — географ Гранөнүң дугайында, Тывага чоруп турган оон-даа өске финн эртемденнерниң дугайында Тывада кижи бүрүзү билбес болгай; оларны эгезинде таныштырза, эки боор деп. Бо үндүрүлгеде Гранөнүң дугайында чугаалааш, дараазында Тывага 1917 чылда чораан, он ажыг киржикчилиг, финн геологтарның экспедициязын таныштырар мен.
Podcast #3. Finnish geographer Johannes Gabriel Granö (1882 - 1956) conducted research in the vast region of Inner Asia between the Altai and Sayan Mountain ranges. He visited Tyva, western Mongolia, Altai.
Music: excerpts from "Lonely Man" on the shoor (a Tyvan music instrument) by Radik Tyulyush. Recorded in Helsinki in 2014 by Victoria S. Peemot.
#finnishresearcharchive #sks #johannesgranö #geographergranö #puregeography #historyofscience #researchexpeditiontyva #expeditionmongolia #expeditionaltai #expeditiontyva