李居明重現新光推動電影樂壇 田啟文透露蔡思貝參演星爺新作

李居明重現新光推動電影樂壇 田啟文透露蔡思貝參演星爺新作

粵劇迷嘅聚腳地北角地標之一「新光戲院」早前因租約期滿結業，一直致力推動粵劇嘅 李居明 ，近日已覓得地重現「新光」，將移師已結業嘅黃埔戲院重現。呢日薛家燕同田啟文現身新場地見證簽約儀式。

能夠延續新光精神，李居明相當興奮，佢話會支持電影界嘅年青導演，畀佢哋喺新場地舉行首映，再投放百萬成立基金，幫新晉導演賣廣告，兼且邀請成功嘅電影界前輩，同年青一輩溝通，為電影業創新力量，家燕姐覺得此舉對新晉導演有好大幫助。

除咗電影方面，大師同時致力推動音樂，會喺戲院建立小紅館空間，場地大概容納400人，令歌手有多一個選擇，有一個較近距離嘅表現場地。家燕姐話有好多前輩歌手，唔少歌迷都想再到佢哋，而新場地就係一個好地方讓大家見面互動。

周星馳嘅新戲開拍得如火如荼，田雞透露有幫星爺手搵演員，不過星爺就冇邀請佢參與演出，田雞亦透露香港演員中，有蔡思貝同其他新舊演員參與演出，其他細節不便透露太多。

#李居明 #新光戲院 #新場地 #新光黃埔 #簽約 #薛家燕 #推動電影 #新晉導演 #小紅館 #田啟文 #周星馳 #蔡思貝
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0