獨家｜鄭中基與余思敏屢傳婚變 現身灣仔家事法庭閉門聆訊

獨家｜鄭中基與余思敏屢傳婚變 現身灣仔家事法庭閉門聆訊

2011年公開戀情兼簽紙結婚嘅 鄭中基 同余思敏 ，分別喺2011及2015年育有一對仔女。

Ronald喺去年8月初宣布因發現合作10年嘅經理人何慶湘「工作及道德操守有問題」，終止對方同「機動娛樂」嘅合作。其後佢再發聲明指患上抑鬱症同再次以飲酒逃避問題，決定喺太太Sammie陪同下到美國接受戒酒療程。而喺Ronald宣布同何慶湘中止合作前，Sammie曾喺社交平台貼出一張疑似地毯相寫將有大事來臨。

Ronald同Sammie自今年2月已傳出婚變傳聞，喺4月15號嘅上午，TVB娛樂新聞台獨家發現佢哋現身灣仔嘅家事法庭，參與閉門聆訊。而家事法庭一般負責聆訊離婚同分居嘅申請，以及包括贍養費及子女的福利。

聆訊過後，Ronald同余思敏分別離開法院，Ronald明顯比之前消瘦，不過對現身家事法庭是否代表同太太辦理離婚，以及會否力爭子女撫養權，Ronald一概未有回應而離開。

其實Sammie喺3月生日嘅時候，已經未見Ronald現身為佢慶祝，及後兩人亦互相取消追蹤社交平台。至上月尾Sammie再分享自拍照，以歌曲《Keep moving forward》作為背景音樂，網民猜測佢憑歌寄意，暗示已做好心理準備，結束13年婚姻。

早前亦有傳媒向Ronald爸爸鄭東漢求證消息，鄭東漢表示離婚與否係Ranold同Sammie嘅事，唔到自己話事，若果係離婚都唔好影響其他人，尤其係小朋友。

#鄭中基 #余思敏 #家事法庭 #傳婚變 #撫養權 #避談 #取消追蹤 #憑歌寄意 #心理準備 #結束 #鄭東漢 #影響 #小朋友
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0