{الأسبوع ف كيس}(334) الضرورات تبيح المجمدات

الاسبوع ده الحكومة المصرية أثبتت أنها متابعة نبض الجماهير. وأنها مش زي ما بيتقال عنها، منفصلة عن الناس. وعايشة في وادي والشعب في وادي تاني..
 فقررت تبني أكبر تليسكوب فلكي لفهم ألغاز الكون..ولحظة واحدة بس يا مواطن. قبل ما تشتم أو تهاجم عمياني كده.. انت اللي اجبرتهم على كده.. هما عارفين ازماتك ومتابعين شكوتك..ورصدوا إن الناس لما بتقابل بعض، بدل ما يقولوا صباح الخير ولا سلامو عليكو، بيقولوا ايه الدنيا؟ هي الدنيا فيها ايه؟ حتى عبد الباسط حمودة بقاله سنين بيتساءل، هي الدنيا جرالها ايه؟ لغز محدش عارف يحله ومحدش هيجيب أراره غير مصر من الآخر.. ومحدش يقولهم طب حلوا الأول لغز البانيه ولا طبق البيض ولا الرز. ولا حتى لغز الدائري واقف ليه بعد كل الطرق اللي اتعملت دي، أو حتى لغز هبوط السيسي من فوق النخلة على كرسي الحكم.. معلش ادوهم فرصة..احنا لو فهمنا ألغاز الكون، هنحل كل ألغاز الاسعار والفشل الاقتصادي بسهولة..مش يمكن يطلع حد عامل لفشاخة الريس عمل. والتلسكوب هيعرف أنه مدفون في كوكب بلوتو، تحت الصخرة اللي ورا محطة البنزين اللي على الناصية ؟ خلونا منسبقش الأحداث ونسيبهم يحلوا لغز الكون يا جماعة..مين عارف يمكن لو فهمنا ألغاز الكون ، نفهم خطابات السيسي وتبقى كل مشاكلنا اتحلت

للدعم على Patreon :
  / ahmedbehiry  

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
  / أحمد-بحيري-ahmed-behiry-109415711865636  

الصفحة الرسمية علي تويتر
  / ahmedbehiry  

اشترك في القناة لمتابعة الحلقات الجديدة
http://goo.gl/2KheJZ

المصادر:

أعلم أهل الأرض
http://www.قooقle.com