Эки-Нарында көпүрө куруу иштери башталды

Бүгүн, 16-августта Транспорт жана коммуникациялар министри Абсаттар Сыргабаев Нарын облусуна иш сапары менен барды. Ал жерде министр, Президенттин Нарын облусундагы ыйгарым укуктуу өкүлү Нурбек Сатаров жана Өзгөчө кырдаалдар министри Бообек Ажикеев Эки-Нарын айылынын тургундары менен жолугушту.

Маалыматка караганда, Нарын районундагы Эки-Нарын – Өрүк-Там унаа жолунун 39-чакырымында көпүрөнүн курулушу башталган. Жерине техникалар тартылып, бетон куюу иштери жүрүүдө.

Ошондой эле, Эки-Нарын айылына жетүү үчүн альтернативдик жол даярдоо иштери да уланууда. №8 жол тейлөө ишканасы тарабынан тиешелүү жумуштар аткарылууда.

Учурда Эки-Нарын жана Өрүк-Там айылдарына каттам Кара-Кужур-Сары-Булак-Арчалы-Өрүк-Там жолу аркылуу жүргүзүлүп жатат.

Биз социалдык тармактарда
► Telegram: https://t.me/kaktus_mediakg
► Instagram(жаңылыктар орус тилинде): https://clck.ru/Shqw9
► Instagram(жаңылыктар кыргыз тилинде): https://clck.ru/Shrr3
► TikTok: https://clck.ru/ShrtZ
► Одноклассники: https://clck.ru/Shr2s
► Twitter: https://clck.ru/ShqzA
#Жаңылык#Кыргызстан

Кактус – Кыргызстан жана Бишкектин жаңылыктары
Кыргызстан жана Бишкекте болуп жаткан окуялар тууралуу тез жана текшерилген маалымат: саясат, экономика, кылмыш, шоубизнес.