АҚ ҮЙ | ҚЫЗЫЛОРДА | ҚҰДАЙ САҚТАСЫН #6

АҚ ҮЙ | ҚЫЗЫЛОРДА | АЛМАЗ МЕРЖАКЫПОВ | ҚҰДАЙ САҚТАСЫН #6

Қызылорданың «Арай» шағын ауданында адамдардың үрейін тудыратын бір үй бар. Терезесі де, есігі де жоқ, қараусыз қалған бұл үйді қала тұрғындары «елес үйі» деп атап кеткен.

Аңызға сенсек, үйдің іргетасын қазу кезінде адам сүйектері табылған екен. Айтуларынша, дәл сол сәттен бастап бұл үйдің айналасында түсініксіз, тылсым оқиғалар жиілей бастаған.

Бұл үй 1937–1938 жылдары жазықсыз атылған адамдарға арналған саяси қуғын-сүргін құрбандарына арналған ескерткіштің жанында орналасқан. Көпшіліктің айтуынша, дәл осы жерде қаза тапқан адамдардың рухтары тыныштық таппай, үйге қоныстанған.

Көршілердің айтуынша, бұрынғы қожайындар үйде тылсым дыбыстар естіп, елес көрген. Осыдан кейін бұл үйді бірнеше рет сатпақшы болғанымен, сатып алушылар табылмаған.


Тағы бір нұсқа бойынша, үй банкте кепілде тұрғандықтан, оны біреу сатып алып қоймасын деп, осы қорқынышты әңгімелерді үй иесінің өзі таратып жіберген дейді. Алайда, жергілікті имам да мұндай орындарда жын-шайтан мен тылсым күштер жиі кездесетінін айтып, оларды мазаламауға кеңес берген.

Бұл мәліметтердің бәрін мен ашық дереккөздерден алдым, және шынымды айтсам, бұл оқиға мені бірден қызықтырып жіберді. Бұл рас па, әлде жай ғана ел арасында тараған аңыз ба — ол жағы әлі белгісіз. Сондықтан мен бүгін осы жерге өз көзіммен көріп, бәрін тексеру үшін келдім.

Instagram: https://www.instagram.com/qsaqtasyn?i...
Tiktok: https://www.tiktok.com/@qudai.saqtasy...

#құдайсақтасын #tartariafilms #кудайсактасын