Lavrovning e’tirozi, Saidov ochgan quchoq va elita tafakkuridagi o‘zga til

Oxirgi vaqtlarda rossiyalik siyosatchi, siyosatshunos, tarixchi va umuman, rus jamiyati vakillarining O‘zbekiston hamda o‘zbekistonliklarga nisbatan tahdidli, haqoratli, kamsitishdan iborat chiqishlari ko‘payib bormoqda.

O‘z o‘rnida bu kabi chiqishlar o‘zbek jamiyatida ham kuchli norozilik, qalqish, siyosiy doira vakillarining esa tarmoqlar orqali bildiradigan javob chiqishlariga sabab bo‘lmoqda-ki, bu ikki davlat munosabatlarida o‘zaro asabiylik, keskinlikni oshirib bormoqda.

Rossiyaliklarning bayonotlari va bu chiqishlarning ikki davlat munosabatlariga ta’siri masalasida bejiz so‘z yuritmayapmiz. Sababi, shu yilning 22-23-aprel kunlari Samarqandda bo‘lgan va O‘zbekiston tomoni bilan muzokara o‘tkazgan Rossiya tashqi ishlar vaziri Sergey Lavrovning rus tili haqida bildirgan e’tirozi hamda tadbirlar yakuni bo‘yicha OAVga bergan bayonoti bugun o‘zbek jamiyatida navbatdagi norozilik va muhokamalarga sabab bo‘lmoqda.

“Nuqtalar”ning navbatdagi soni rossiyaliklarning o‘zbek jamiyatida noroziliklarga sabab bo‘layotgan chiqishlari, jumladan, Sergey Lavrovning harakatlari, buning sabablari, shuningdek, o‘zbek diplomatiyasi va o‘zbek elitasining bugungi ahvoli tahliliga bag‘ishlandi.

Dastur mehmonlari taniqli qalamkash va muxolifatdagi faoliyati bilan yaxshi tanish, faol Dilorom Ishoqova va siyosatshunos Farhod Tolipov bo‘ldi.


Telegram 👉 https://t.me/vatandosh_tv (@vatandosh_tv)
TikTok 👉   / vatandosh.tv  
Instagram 👉   / vatandosh_tv   (@vatandosh_tv)
YouTube 👉    / @vatandosh_tv  
Facebook 👉 https://fb.com/vatandoshtv