Қўқон шахрида уй бузилишидан Халқ норози.

.Қўқонда тадбиркор аҳолини кўчириш мақсадида 2 қаватли уйларнинг томини кўчириб, электрдан узиб ташлангани айтилмоқда

Қўқон шаҳрининг Шоҳруҳобод кўчасида жойлашган икки қаватли уйларда яшовчи фуқаролар мажбурий кўчириш ҳаракатларидан ва мулкларига зарар етаётганидан шикоят қилмоқда.

Таҳририятга келиб тушган мурожаатларга кўра, ҳудудда қурилиш режалаштираётган тадбиркор томонидан аҳолини кўчириш мақсадида босим ўтказиш усуллари қўлланилган. Хусусан, хонадонлар дастлаб электр энергияси тармоғидан атайин узиб қўйилган. Фуқаролар уйларини тарк этмагач, бинони бузишга уринишлар бошланиб, уйларнинг том қисмидаги туника қопламалари кўчириб ташланган.

Маълумотларга кўра, ушбу бузиш ишлари ҳеч қандай расмий ҳужжатлар тақдим этилмасдан ва ўша ерда истиқомат қилувчи аксарият фуқароларнинг розилиги олинмасдан амалга оширилган.

Вазият юзасидан журналистик ўрганиш ўтказилиб, ҳуқуқ-тартибот органлари хабардор қилинган. Айни вақтда бузиш ишлари тўхтатилган бўлса-да, аҳоли томсиз қолган биноларда яшашга мажбур бўлмоқда. Фуқаролар қаттиқроқ ёғингарчилик бўлган тақдирда хонадонлари ва уй жиҳозларига жиддий зарар етиши ва энг ҳавотирлиси уйларни потолок қисмлари ичкаридан босиб қолиши мумкин.

Маҳаллий аҳоли вакиллари ҳудудда қурилиш бўлишига қарши эмасликларини, бироқ барча ишлар қонун доирасида бўлиши шартлигини таъкидлашмоқда.

Фуқаролар қурувчидан қуйидагиларни талаб қилмоқда:
Кўчириб ташланган том қисмини зудлик билан қайта жойига ўрнатиб бериш;
Уй-жой учун компенсация масаласини бузишдан олдин ҳал қилиш (уйни бозор нархида сотиб олиш ёки «бошма-бош» уй бериш);
Ижарага чиқариб юбориш таклифини рад этиш (фуқаролар бир йилдан сўнг уйсиз қолишдан ёки сарсон бўлишдан чўчимоқда).
Тадбиркор эса ҳокимият номини баҳона қилиб одамларни чалғитишга урунишлар бўлиши мумкинлиги бўйича ҳуқуқий баҳо берилиши сўралмоқда.

Мазкур ҳолат юзасидан ҳуқуқ тартибот органлари томонидан ўрганиш ишлари олиб борилмоқда, қўшимча ахборот берилади.