თელავში დასაქმების ფორუმი გაიმართება

14 ივნისს თელავში დასაქმების ფორუმი გაიმართება. ღონისძიების ფარგლებში, წარმოდგენილი იქნება 20-ზე მეტი კომპანია , რომლებიც სხვადასხვა მიმართულებით ვაკანისებს აცხადებენ. ასევე 14 ივნისი შეზღუდული შესაძლებლობების მქონე პირთა უფლებების დაცვის დღეა. სწორედ ამიტომ ფორუმზე ყურადღება გამახვილდება შშმ და სსმ პირთა დასაქმებასა და ინტეგრირებაზე. დასაქმების ფორუმის პარალელურად, ადგილობრივი სოციალური საწარმოებისა და პროფესიული კოლეჯების ნაწარმის გამოფენა-გაყიდვაც გაიმართება. ღონისძიებას თელავის ისტორიული მუზეუმი უმასპინძლებს.