Khit Thit သတင်းဌာန၏ ဧပြီ ၁၆ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဧပြီ ၁၆ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဧပြီ ၁၆ ရက် ညနေပိုင်း တင်ဆက်ပေးမယ့် သတင်းတွေကတော့

နေပြည်တော်လွှတ်တော်ဂိတ်ပေါက် ၄ မှာ ရဲအချင်းချင်း ရန်ဖြစ်ရာကနေ သေနတ်နဲ့ ပစ်ခတ်မှု ဖြစ်ပွားပြီး ရဲတပ်ကြပ်ကြီးမျိုးနိုင်ဦးအပါအဝင် ရဲ ၃ ဦးဟာ အသီးသီးသေကုန်ကြပြီလို့ သိရပါတယ်။

ရခိုင်ပြည်နယ် တိုက်ပွဲတွေအတွင်းမှာ ရခိုင့်တပ်တော် AA နဲ့အတူ တိုက်ပွဲဝင်ပြီး ပြန်လည် ရောက်ရှိလာတဲ့ YDF ရဲဘော်တွေကို ယော- ပြည်သူတွေက အောင်သပြေပန်းတွေနဲ့ ကြိုဆိုခဲ့ကြတယ်လို့ သိရပါတယ်။

တောင်ငူမြို့ က စစ်ကောင်စီရဲ့ ဗဟိုသင်္ကြန်မဏ္ဍပ်နဲ့ မြန်မာ့စီးပွားရေးဘဏ်ရှေ့မှာ ဗုံးပေါက်ကွဲ မှုဖြစ်ပွားပြီး ရဲနဲ့စစ်သား ၃ ဦး ထိခိုက်ဒဏ်ရာရသွားပြီးနောက် စစ်သားတွေက သေနတ်နဲ့ပစ်ဖောက် မှုတွေပါ လုပ်ဆောင်ခဲ့တဲ့ အပြင် ၊ မဏ္ဍပ် ရေကစားမှု ရပ်နားလိုက်ရတယ်လို့ ဒေသခံပြည်သူတွေက ပြောပါတယ်။

-အကြမ်းဖက် စစ်အာဏာရှင်ဟာ သူတို့ရဲ့ နောက်ဆုံးနေ့ရက်တွေ နီးကပ်လာတာနဲ့အမျှ တိုင်းပြည်နဲ့ ပြည်သူတွေ အထိနာအောင် ပိုမို ရက်စက်တဲ့ လုပ်ရပ်တွေပါ လုပ်လာနေပြီး ၊ နည်းပေါင်းစုံနဲ့ သွေးခွဲ သပ်လျိုမှုတွေကိုပါ လုပ်လာနေပြီလို့ အမျိုးသားညီညွတ်ရေးအစိုးရ-NUG ဝန်ကြီးချုပ် မန်းဝင်းခိုင်သန်း ပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။