المجد أنا عنفوانه و ابن سلمانه
Автор: شباب الغرمول Shabbab Al-qarmol
Загружено: 2024-01-09
Просмотров: 2479
من قبل أصرح بالاسم اللي على شانه
أنا الذي رجّع التاريخ يقــرانا
تعرفني الأرض والعالم وسكانه
من ركّع الغرب شخص لحالة الا انا
أنا من أفرد لكسب المجد جنحانه
وخلا جبابرة الأرض تدور رضانا
انا سليل الفخر والمجد ربانه
وطويقة وقبلةٍ له وين ماكانا
المجد انا عنفوانه وابن سلمانه
وبنا المفاخر تفاخر والله أعطانا
أنا محمد سعد داره وجيرانه
و انا بعد عزوة اللي صاح ينخانا
الشعب درعي وانا سيفه وتيجانه
وبأفعالنا تعرف العالم مزايانا
الحق والعدل حنا ساس ميزانه
وتلاحم العز والنوماس مبدانا
شموخنا للمجرة طال بنيانه
اللي يبينا يناظر فوق يلقانا
حنا سماء المجد ونجومه وعنوانه
ولا نجحد اهل الوفا والطيب شروانا
راع الوفاء نرخص الدنيا على شانه
وان ما سبقناه والا ماتعدانا
وراع الردا والله انا شوكة أعيانه
نعميه بفعالنا الجزلة وبسمانا
واللي يدور على غبنه وحقرانه
يبشربها دام يخطي ويتحدانا
والهرجة الهزلة اللي مالها خانه
عنها وعن من نطقها تكرم لحانا
ما نكشف الخبل غير بزلة لسانه
وليا انكشف عنه للعليا تعلانا
ولا ننطق الا جزيل الهرج وسمانه
يصغر ويصبح قزم لامنه أوحانا
وليا وسمناه ناسم بين حجانه
يموت ماطاب جرحه جعله فدانا
ولا نقول الكلام بدون برهانه
والهرجة الخايبه ماتبحث اقصانا
صدورنا بالثقة والعز مليانه
سلمٍ لهلنا من أولنا ليا اتلانا
ما نخضع الا لرب الكون سبحانه
اللي خلقنا.. وعلمنا.. وسوانا
والا البشر كل شخصٍ حسب ميزانه
أحدٍ على الراس و أحدٍ تحت ماطانا
شباب محمد الغرمول البقمي
Доступные форматы для скачивания:
Скачать видео mp4
-
Информация по загрузке:
