يا ويل حالي |جديد المنشد شبل يحصب محمد الطويل

كلمات :ابو ثابت ناحي عبدالكريم المقشي

ادا المنشد :محمد الطويل

771187467

739467162


الكلمات :

قلبي بحبك صار يازين مبلي
والروح سارت في سجونك اسيره

لاغبت ساعه صحت واقول كملي
واذرف دموعي مثل مزن المطيره

بالله غيرك يامنئ الروح من لي
من لي بديلك يمنياتي الاخيره

انته حياتي انت شمسي وضلي
روحي بدونك في جهنم سعيره

لك حب فيني صار طابع وحلي
واصبح بقلبي لك مساحه كبيره

عندي وصالك عدل للقلب يسلي
واماء فراقك ضلم واكبر نكيره

لو خيروني بين كوني وخلي
لاقول خلي بس ماريد غيره

يوم غبت عني لوتشوف اش حصلي
جنيت واصبحت اقتحم كل ديره

واصيح واقول اين من شل عقلي
وين راح روحي وين ياهل الجزيره

وين راح روحي وين من بايقلي
واصيح وابكي والمدامع غزيره

ياويل حالي ويل لنته مولي
ابقئ بحاله ياحبيبي خطيره

ارحم لحالي جود واسرع بوصلي
عيني لشوفك يالمدلل فقيره

طيفك شغلني عند نومي وشغلي
مايوم عني غاب لحضه قصيره

حتئ امانه عندما اقوم اصلي
اذكر حلاتك والصفات المثيره

استغفرالله بس قد زااد جهلي
واصبحت دون احساس في الف حيره