{عرفوه بالعلم}(18) كيف بدأ الخلق؟

سنة 1953 .. طالب دراسات عليا في جامعة شيكاغو.. اسمه ستانلي ميلر STANLEY Miller .. جاب برطمانين.. واحد فيه شوية مية.. و التاني فيه خليط من غاز الميثان و الأمونيا و كبريتيد الهيدروجين.. عشان يمثل الغلاف الجوي المفترض وجوده في بداية تكوين الكرة الأرضية.. ووصل البطرمانين بخراطيم .. و بدأ يطلق شرارات كهربية.. زي الصواعق كده.. و سابهم.. بعد كام يوم اتحولت المية اللي في البرطمان للون مابين الاخضرو الاصفر.. و لما حللها.. لقاها مليانة أحماض أمينية و أحماض دهنية و سكريات و مركبات عضوية تانية.. فالراجل هرش في دماغه و قالك يبقى أكيد الحياة بدأت بالشكل ده!
و الصحافة و الإعلام زاط.. و اتكلموا عن الاكتشاف الجبار ده.. و صوروا الوضوع و كأنما ظهور الحياة بالبساطة دي.. و كل المطلوب ان الراجل كان يمسك البرطمان اللي لقى فيه المكونات العضوية ده و يرجه كويس بس شوية.. و يسيبه و هايلاقيه تاني يوم مليان كائنات حية.. و لكن بمرور الوقت.. و بعد ما انتهت الزيطة.. اكتشفوا ان موضوع الحياة مش بالبساطة دي أبدا..و ان القضية مش قضية ان يكون عندك مكونات الطبخة و بوتاجاز.. لأ ده المهم النفس..

للدعم على Patreon :
  / ahmedbehiry  

الصفحة الرسمية لاحمد بحيري علي الفيسبوك
  / ahmed.behiry.the.page  
الصفحة الرسمية علي تويتر
  / ahmedbehiry  
اشترك في القناة لمتابعة الحلقات الجديدة
http://goo.gl/2KheJZ

للمشاركة في إعداد و كتابة الحلقات يرجى إرسال نماذج لأعمالك على:
[email protected]


المصادر:

-A Short History of Nearly Everything

https://amzn.to/2NfBbPA

Life Itself: Its Origin and Nature

https://amzn.to/36LhpGH

-Biology: Science for Life

https://amzn.to/2HZP0Co