الفزعه السعوديه مهداه من عامر بن ذعار الى فيحان بركه المطيري الشاعر مدعث بن جريس

الفزعه السعوديه

اهداء من عامر بن ذعار الحقباني
إلى راعي الفزعه العجله فيحان بن بركه الشلاحي المطيري


........................

الشعر لي مده وأنا متجاهله
أنست منه فري جيب و حر جاش

مدحة طيب كان طيبه داهله
مير البلا عود بعد يومين لاش

لايحسب أني لاتمزهل زاهله
ترى الزمن بين لي أن عضمه هشاش

نوب الليالي لـ الكفو متساهله
ونوب الليالي للكفو عاله و ماش

تبيح سدوده وتتعب كاهله
حتى لو أن قدحه مثل قدح الكلاش

وألا الكريم اللي الثنا يستاهله
ياخذ صريح القول بالقيفان كاش

يالله عساها ضاحكه دنياه له
الاصوك اللي ناش مجدً ما يناش

شروا ابن شالح والصعايب ساهله
فيحان ابوسلطان لاطال النقاش

محزم خوي عند البلاوي الصاهله
ماطابت السمعه على خالي بلاش

عزوم غيره لاقدم متراهله
مجري الهياب لـ الهالك انعاش

عد الكرم من طيب ساسه ناهله
مكرم الضيفان وروي العطاش

تفخر بطاريك يافيحان
بريه وعلوى وعبدالله

لانك من يجمل المطران
وملتك ماغيرها مله

فزعة الشلاحي اسرع من بروق الغيوم
جعل خيره واجد وجعل جنسه يكثري
في ديار الغرب والضيق مشخال القروم
وعامر ابن ذعار يجهل كلام القرقري
من شطفهم قال مالي ولا فيهم لزوم
مير فيحان بركه شافه وعود قري
قال دام انك سعودي اف قلط ومخدوم
وازهل الباقي علي واحتزم يالدوسري
قال عامر وش حصل جعل تفداك الرخوم
انت ترجم يالمطيري وانا عزمي جري
قال فيحان المبالغ سعر رقعة هدوم
وبالطلاق اني لاحاسب ولاني محتري
ويوم حاسب بالبطاقه وجا الوصل مختوم
مبلغه من فوق عشرين الف سويسري
دون سابق معرفه جنس فيحان معدوم
مايغط الحق رجال والموقف طري
اسم حمران النواظر قمر بين النجوم
يكفي ان عدوانها ترتجي منها الذري
هم ملاذ الدرك هم ستر زاهية الرقوم
من كبر سطواتهم ما يطيش العنتري
جمعهم في ساحة الكون محاي الخصوم
كل جرحن من سبب طعنهم ما ينبري
ماتوفيهم قصيده وفيين السلوم
لو معي هجس الفرزدق وهجس البحتري