Міржақып Дулатұлы (1885 – 1935). "Заман-ай". Орындаушы Жоламан Құжиманов
Автор: Батырлан Сағынтаев
Загружено: 2023-11-23
Просмотров: 1227
Бұл әнді Алаш әскерінің сарбазы Бейсембек Мұхамеджановтан Жәмбек пен Сейілбек Ысмайылбековтер үйренген. Әнді Марат Әбсәметов Сейілбектен жазып алған. Магнит таспасынан нотаға түсірген Бауыржан Жақанов, нотаны түпнұсқамен салыстырып, редакциялаған Алдаберген Мырзабеков. Әннің толық мәтіні Міржақыптың 1996 жылы шыққан шығармалары жинағынан алынды. Онда атауы «Зар заман» деп берілген. 1916 жылы жазылған бұл өлең халық арасына «Елім-ай», «Кер заман», «Алаш маршы» деген атаулармен де кеңінен таралған. А. Затаевич Темірбаев Ешмұхамедтен жазып алған «Кер заман» атты нұсқасы «1000 песен казахского народа» кітабының «Кустанайская губерния» бөлімінде жарияланған.
Заман-ай
Кез болған соң кер заман біздің баққа,
Жау жарағын асынып міндік атқа.
Ел бастайтын ерлерге бұл бір зор сын,
Жаңа талап, жас ұлан, қарап жатпа. Заман-ай!
Қайырмасы:
Азаматы Алаштың
Аттанатын күн туды.
Тұлпар мініп, ту ұстап,
Баптанатын күн туды.
Ел бастайтын қайдасың, көсемдерім,
Сөз бастайын қайдасың, шешендерім.
Тәуекелге бел байлап баста топты,
Тигізбесін жұртқа жау кеселдерін.
Заман-ай!
Бай, қайдасың ортаға малыңды сал,
Азды-көпті аямай барыңды сал.
Жаны тәтті жақсылар, қайдасыңдар,
Мұсылманның жолына жаныңды сал.
Заман-ай!
Ел қорғайтын қайдасың, батырларым?
Өлең, күйдің шебері ақындарым?
Азаматтың міндеті елді қорғау,
Төнгелі тұр басыңа күшті толғау.
Заман-ай!
Доступные форматы для скачивания:
Скачать видео mp4
-
Информация по загрузке:
