善忘哥 ToNick feat. Masta Mic

善忘哥MV出世喇!!!
超級無敵鳴謝所有來個幫手，參與過呢個MV，同埋所有陪ToNick發顛嘅人!!!!跪地specially thankss to MastaMic, 寧John榮@command n，蒲吧一眾英雄豪傑，lum姐，創意書院仝人等等(因為實在欠太多人情，如果有漏到嘅話，.你地可以狠狠咁嬲我，可以無情咁鬧我，但係你地要記住，咁樣係無用架..hAHAhaha!!)

P.S. 記低所有嘅錯誤同埋行多左嘅路，視佢地為踏腳石；
選擇忘記，人永遠無可能進步!
善忘哥

主唱：ToNick．Masta Mic
作曲：Siugwai & HangJai @ ToNick
填詞：ToNick．Masta Mic
編曲：ToNick．
監製：ToNick．趙增熹

歌詞

Masta Mic：
細個嗰時　有日有個哥哥行過
佢話要教我　做個醒目嘅細路歌　仲話第一課　事情只在乎結果
第二課就係　要活得得過且過　記住無利益嘅　(咪理咁多)　
無著數嘅　(咪記咁多)　
越大個就忘記得越多　直到我忘記自我　
個個都叫我善忘哥　

Masta Mic & ToNick：
你最愛邊個　(eh　我最愛呀...嗰個好似)
你最撐邊個　(嗱　我我我...記得㗎　我記得㗎)
咁你最憎邊個　(哎...呀　我真係...)
喂　咁你你係邊一個

我就係善忘哥
七百萬個善忘哥　一講錢底線就無咗　(有錢有面仲邊使理底線)
懶理自己畀邊個恰過
今日仲喺到搏火　聽日就唔記得咗　(人大個代表無咗自我)
最尾就好似無出現過

Masta Mic：
善忘哥我最叻係忘記　
尋日嘅事今日就會記唔起　
唔想記　唔想理　唔使記　唔使理　
總之唔想記起嘅事　我就會記唔起　
你有乜記得　又　有乜唔記得　
你估下善忘哥　唱善忘歌　係為乜　
講講下　我連啱啱噏過乜　都唔記得　
咁呢隻歌我仲唱嚟做乜　

Masta Mic & ToNick：
你有無開心過　(eh...)
你有無傷心過　(哎...唔好成日問呢啲啦)
咁你有無盡力過　(啊　嗰嗰次...嗰次呀　嗰...同呀...)
咁你係邊一個　

我就係善忘哥
七百萬個善忘哥　一講錢底線就無咗　(有錢有面仲邊使理底線)
懶理自己畀邊個恰過
今日仲喺到搏火　聽日就唔記得咗　(人大個代表代表邊個)
最尾就好似無出現過

細細個你有無諗過想做邊個　我唔記得咗　
大個咗你又點解會無火　我唔記得喎

答應過最愛嘅嘢你有無做過　我唔記得咗
瞓喺身邊嗰個又係邊個　我唔記得喎　

有無諗過邊個養到你咁大個　我唔記得咗
有無試過嫌佢兩個囉唆　我唔記得喎

求求其其咁過又係咪最好過　我唔記得咗
有得揀嘅自由有無爭取過　

吓　咁我咪善忘哥

七百萬個善忘哥　一講錢底線就無咗　(有錢有面仲邊使理底線)
懶理自己畀邊個搕過
今日仲喺到搏火　聽日就唔記得咗　(人大個代表唔代表我)
最尾就好似無出現過
善忘哥唱善忘歌
Masta ToNick　同你上一課

人生有太多嘢可以錯過　錯過過去嘅過錯只會越錯越多　唔記得唔代表無發生過
最錯係你　忘記　自己係邊個