Zahatany 16 Mai 2020 - Zoto - Tours de Madagascar

Zoto: efa nahatety an'i Madagasiakra in'efapolo (40) an-diantongotra.

Fanamby nataony tamin'ny tenany manokana no nanosika an'i Zoto hitety an'i Madagasikara hatramin'ny taona 70, mpihazakazaka am-bisikileta izy ary nankafy fanatanjahatena.

Fanim-pitopolon'ny fihodinana an'i Madagasikara ity ataon'i Zoto andalovany eto Antananarivo ity raha toa ka faha in-droapolony ny any vadiny, avy eto Antananarivo dia ihazo an'i Mahajanga i Zoto mianakavy izay vao hitodi-doha mankany Antsiranana toerana fonenan'izy ireo, dia mbola tombanan'i Zoto eo amin'ny telo volana sy tapany eo.

Miaina "aventeures" isankarazany i Zoto mianakavy eny an-dalana, iainana ny tahotra, iainana ny tebiteby, mifanojo amin'olon-dratsy, mifanena amin'ny biby, zavatra tokana anefa no ao an-tsainy dia tsy ataony sakana ireo fa ny hahavita dia an-tongotra manerana an'i Madagasikara no ao an-tsainy.

Tokony ho azo trandrahina ho an'ny fizahantany ity nofinofin'i Zoto ity fa tsy ampy ny fitaovana hahavitany izany, moa koa tsy dia nitady fanampiana ofisialy izy mianakavy tamin'ny hevitra niaingana, soa ihany fa betsaka ny Malagasy mahatsapa ny finiavana ataony ka manampy azy ny olona amin'izay toerana andalovany. Teto Antananarivo ohatra, i BARINJAKA Hervé Miluis no nampiantrano sy niantoka ny sakafon'izy mianakavy mandritra ny fandalovana eto izao.

Marihina fa tamin'ny volana Aogositra 2019 no nianga tao Antsiranana ny dia, sivy volana aty aorina vao tafandalo eto Antananarivo rehefa nahatety ny faritra Atsinanan'i Madagasiakra manontolo, Atsimo, Atsimo Andrefana ary ny faritra afovoantanin'i Madagasikara.

Ho feno 68 taona amin'ny faha 09 Jona ho avy io i Zoto, faniriany ny mba hihaoana amin'ny filoham-pirenena Andry RAJOELINA amin'ny taona 2021, hitondrany ny hetahetany sy hampitany tao am-pony mikasika ny tanjony amin'ny fitetezana an'i Madagasikara an-diantongotra izao.