اسباب نقص زيت الفرامل

أسباب نقص زيت الفرامل

لو زيت الفرامل بتاع عربيتك بينقص كل شوية و مش عارف اية السبب
فا في الفيديو ده هقولك الأسباب و الحلول
و هل دا طبيعي ولا فيه مشكلة ؟
و عشان نحط النقط علي الحروف فا في 6 أسباب بتخلي زيت الفرامل ينقص
فا خليك معايا لاخر الفيديو وشوف انت عندك كام سبب من الاسباب اللي هقولها

و أول سبب هو ماستر الفرامل

و هنا انت اول حاجة هتعملها هي انك هتراجع علي ماستر الفرامل
وتشوف فيه ترشيح زيت من المواصير اللي طالع منه ولا لا
وبردو تبص كويس علي المكان اللي بين الماستر والسيرفو
هل فيه ترشيح زيت ولا لا
و لو لاقيت فيه ترشيح زيت من أي مكان فيهم يبقي
لازم تروح لفني يراجعلك عليهم

وتاني سبب بيبقي له علاقة بال اي بي اس
فا لو انت عندك اي بي اس
فا لازم تراجع علي المواسير اللي داخله وخارجه منه
لو لاحظت بردو فيه ترشيح زيت جاي من اي ماسورة فيهم
اعرف ان المشكلة هنا و لازم بردو تروح لفني
يراجع على المواسير اللي خارجه من ال اي بي اس

و تالت سبب هو كليبر الفرامل
و قبل ما اقولك عنه فا اتمني انك تعمل اشتراك في القناة عشان تشوف الفيديوهات الجاي و كمان تعمل لايك للفيديو عشان يوصل لاكبر عدد ممكن من الناس و الكل منه يستفيد

المهم ان كليبر الفرامل اللي قدام واللي وراه لازم يتراجع عليهم كويس جدا من الداخل و من الخارج
و تشوف هل في اثار او ترشيح زيت عليهم ولا لا
و طبعا لو لقيت زيت عليهم يبقي هتروح علطول للفني يكشف عليهم
و بردو تتاكد انك تبص كويس علي
كليبر الفرامل من الداخل
و تبص علي بستم الفرامل ممكن يكون محتاج تظبيط
لان لو في مشكلة هتبقي غالبا حصلت بسبب انك بتسيب تيل الفرامل يتاكل للآخر
فا يبدأ البستم يضغط على تيل الفرامل
و دا هيخلي البستم يخرج من مكانه
فا يحصل ترشيح لزيت الفرامل

وهنا هتلاقي ترشيح للزيت بردو حوالين كاوتش العربية من جوه
فا نصحتي ليك هنا انك تغير تيل الفرامل في ميعاده عشان تتلاشى المشكلة ديه

و رابع سبب هو خراطيم الفرامل


و دي انت لازم تراجع علىها اول بي اولو تشوف
هل فيها تسريب أو قطع ولا لا
لو لاقيت مشكلة فيهم لازم تغيرهم
ولو محتاجين يتغيره فا نصحتي ليك انك تجيب جودة عالية جدا
و متفكرش تسترخص فيهم

و خامس سبب بقي هو مواسير الفرامل
و مواسير الفرامل بتبقي رايحة علي الماتور
فا هتبص عليهم بعينك وتتأكد أن مافيش حاجة بتسرب زيت منهم
و بردو تشوف المواسير اللي تحت العربية
ونتأكد أن مافيش تسريب جاي من اي ماسورة فيهم
ولو لاقيت تسريب واضح على الارض لازم الفني يغير الماسورة اللي بتجيب زيت

و سادس و اخر سبب هو ماستر الدبرياج
و ماستر الدبرياج ده موجود في العربيات المانيوال
و ماستر الدبرياج فيه من العلوي والسفلي
فا هتراجع عليهم
لو لاقيت في مشكلة في واحد فيهم
الاحسن تغير الاتنين مع بعض
عشان يبقى نفس القوة ونفس الضغط و ميبقاش واحد فيهم أضعف من التاني
وفيه بعض الناس بتعمل طقم إصلاح
وساعات كتير مش بينجح
بسبب ضعف جودة الخامات
و بردو لازم تراجع علي الماسوره اللي طالعه من الماستر العلوي ورايحه على الماستر السفلي
هل فيها مشكلة ولا لا لو فيها مشكلة لازم تخلي الفني يعملها

و بس كدا سلاام

#عربيات_مستعمله #automobile #محركات #سيارات #car #صيانة_سيارات #صيانة #cars #سيارات_للبيع #سيارات #عربيات
اسباب نقص زيت الفرامل, ما سبب نقص زيت الفرامل, الفرامل, اعراض نقص زيت البريك, سبب نقص زيت البريك, زيت الفرامل ينقص, السيارة, اضرار نقص زيت البريك, اعراض نقص زيت الفرامل, سبب نقص زيت الفرامل, نقص زيت الفرامل, تهريب زيت الفرامل, زيت الفرامل, ما الذى يؤدى الى نقص زيت الفرامل, اضرار نقص زيت الفرامل, سبب نقصان زيت الفرامل, فرامل, اسباب ضعف الفرامل, اسباب نقص زيت البريك, نقص فى زيت الفرامل, هل نقص زيت الفرامل طبيعى, سبب نقص زيت المكابح, زيت الفرامل متى يتغير