မြင့်မြင့်အေး ရေးဆို စောဘွဲ့မှူး

ဘဝထဲကို ဘယ်တော့မှပြန်မလာတော့မယ့်တစ်ယောက်ဆိုတာ အပတ်အသတ်‌‌‌‌‌‌အဟောင်းတွေကို ပြောတာ။ ရည်းစား‌‌ဟောင်း၊ ဘိုလို ခေတ်အခေါ် အိတ်စ်(EX) ပေါ့ဗျာ။ ထိုထိုဤဤ အခေါ်အဝေါ်များထဲကနေပြီး ရည်း စားဟောင်းကို ကျွန်တော် တိတ်တဆိတ် ခေါ်တဲ့ နာမည်တစ်မျိုးရှိတယ်။ မြင့်မြင့်အေးတဲ့။
(ဆရာကြီး) စောဘွဲ့မှူး ကိုယ်တိုင်ရေးဆိုထားတဲ့ မြင့်မြင့်အေး ဆိုတဲ့ သီချင်းနာမည်ပါ။ နားထောင်ဘူးမယ်ထင်ပါတယ်။ စောဘွဲ့မှူးရဲ့ တစ်ကိုယ်တော်အယ်လ်ဘမ် သီချင်းပြောသောပုံပြင်များ ရဲ့ ပထမဆုံး အပုဒ်ပဲ။
စောဘွဲ့မှူးရဲ့ သီချင်းတွေမှာ စကားလုံးဆန်းဆန်းတွေပါတက်တယ်။ ဆန်းတယ်ဆိုပေမယ့် နေ့စဥ်အရပ်သုံးစကားကနေ သီချင်းထဲမှာ ပြန်ပြီးထင်ဟပ်ပြတာ အရမ်းမိုက်တာ။
မြင့်မြင့်အေးနဲ့အကြောင်း ပြန်ပြောပြတာက သူနဲ့အတူ လျှောက်ခဲ့တဲ့ လမ်းတွေကနေစတယ်။ ခေါင်းချင်းဆိုင် တိုင်ပင်ရာကနေ စကားဆန်းတွေလည်းဆိုခဲ့ကြဖူးတယ်တဲ့ ။ ဘယ်လိုတွေ ဆန်းကြသလဲ စိတ်ဝင်စားစရာပါပဲ။ မစားကောင်းတာ တွေလည်း ရှောင်ခဲ့ဖူးကြတယ်တဲ့။ စောင့်ထိန်းအပ်တဲ့ လူ့ကျင့်ဝတ်တွေ စောင့်ထိန်းတာကို မစားကောင်းတာရှောင်တယ်လို့ ဖွဲ့ဆိုခဲ့လေသလား။ နောက်ဆုံးတော့ သူတို့ ကွဲကွာသွားကြပါတယ်။, ဘာကြောင့်ရယ်လို့ ရေ‌ရေရာရာ မပြောပြထားပေမယ့် မြင့်မြင့်အေး ကောင်းစားဖို့
နောက်ဆုတ်လိုက်ပုံရပါတယ်။ အသည်းနှလုံးတွေနာကြပြီး မြင့်မြင့်အေး ကို လွှင့်ပစ်လိုက်တယ်တဲ့။
ပင်ယံအမြင့်ကို လွှင့်ပစ်ခဲ့တာတဲ့။ မပေါင်းလိုက်ရတဲ့ ချစ်သူအပေါ် ထားတဲ့ စေတနာလေးတစ်ခုကို သူလွှင့်ပစ်လိုက်တဲ့ သီချင်းစာသားတွေကနေ လှမ်းမြင်လိုက်ရတယ်။
ရည်းစား‌ဟောင်းတိုင်းတော့ မြင့်မြင့်အေး မဖြစ်နိုင်ကြဘူး။ မြင့်မြင့်အေး လို့ခေါ်ထိုက်တဲ့ ချစ်သူဟောင်းမျိုးက ဘဝမှာ များများစားစားမရှိနိုင်ဘူးလေ။ တစ်ဦးအပေါ်တစ်ဦး စေတနာထားပြီး ချစ်နိုင်ကြတယ်ဆိုတာ ကြုံတောင့်ကြုံခဲ အဖြစ်မျိုးပါပဲ။ ဘယ်အချိန် အလစ်မှာ ကိုယ့်နောက်ကြောကို ဓါးနဲ့ထိုးမလဲလို့ သတိအထပ်ထပ်ကပ်နေစရာမလိုတဲ့ ဆက်ဆံရေးမျိုးက တန်ဖိုးထားအပ်တာမျိုးပါပဲ။ ခွဲစရာအကြောင်းဖန်လာလို့ ကွဲလိုက်ကြတယ်။ မကွဲကြခင် ပါးကလေးကိုင် ငိုင်ခဲ့ပြီး မရှက်မကြောက် ထိုင်ငိုခဲ့ကြရတဲ့ လမ်းခွဲမှုမျိုးကို သတ္တိကောင်းကောင်း ရင်ဆိုင်သွားကြတယ်။,
မြင့်မြင့်အေးသီချင်းကို အရိုင်းမြေမှတောင်ပံလေးများ ကတီးခတ်ပေးထားတယ်။ သီချင်း အင်ထရိုတင် တစ်မိနစ်ကျော်ကြာတယ်။ မြင့်မြင့်အေးနဲ့အကြောင်း ပြန်ပြောနိုင်ဖို့ သက်ပြင်းတွေ အကြိမ်ကြိမ်ချပြီး
ဒဏ်ရာဟောင်းတွေပြန်ပေါ်လာလို့ စိတ်အရှိန်များယူနေရသလားပါပဲ။ Reggae ပုံစံ တီးထားတဲ့ မြင့်မြင့်အေး သီချင်းကို ကျွန်တော် ဒီလိုခံစားမိပါတယ်။
မောင်ညို
#စောဘွဲ့မှူး #သီချင်းပြောသောပုံပြင်များ #မြင့်မြင့်အေး #အရိုင်းမြေမှတောင်ပံကလေးများ

“မြင့်မြင့်အေး”
ရေး / ဆို စောဘွဲ့မှူး
သီချင်းပြောသောပုံပြင်များ
Artist - Saw Bwe Mu
Music - အရိုင်းမြေမှတောင်ပံကလေးများ
Studio. - Lynn
All songs composed by Saw Bwe Mu
Guitars. - စောဘွဲမှူး
Bass - Po Clare , Peter Zone
Drums. - Zaw Win Shein
Sancho Lynn
Winds & Strings - Saw Appolo
Keyboards - စန္ဒယားတင်ဝင်းလှိုင်
Leonard MgMg Lwin
Harmony - Living Dolls ညီအစ်မများ
Mixing & Master - Tony Lynn
Audio Assistant - San Win
Release Date - 1982
Format - Cassette tape
Genre - Rock
Distribution - ပြည်ရတနာ တေးသံသွင်း
Produced by ခဲမှန်ဘူးတဲ့ စာသူငယ်
Lyric:
လျှောက်ခဲ့တယ် ဒီနေရာလေးတွေ (မြင့်မြင့်အေး နဲ့ )
ခေါင်းချင်းဆိုင် တိုင်ပင်ဖူးတယ် (မြင့်မြင့်အေး နဲ့ )
စကားဆန်းတွေ ဆိုခဲ့ဖူးတယ် (မြင့်မြင့်အေး နဲ့ )
ကျောမခိုင်းခင် မျက်နှာချင်းဆိုင် (မြင့်မြင့်အေး နဲ့ )

မြင့်မြင့်လေးမှာ စတိုင်နဲ့
အေးအေးလေး နေခဲ့ဦး
မြင့်မြင့်အေးကို နောက်ဆုံးလေ
ပင်ယံမြင့်ထက် လွှင့်ပစ်ခဲ့ဦးမယ်

ပါးကလေးကိုင် ငိုင်ခဲ့ဖူးတယ် (မြင့်မြင့်အေး နဲ့ )
မစားကောင်းတာ ရှောင်ခဲ့ဖူးတယ် (မြင့်မြင့်အေး နဲ့ )
အသည်းနှလုံးတွေ နာကြဖူးတယ် (မြင့်မြင့်အေး နဲ့ )
မရှက်မကြောက် ထိုင်ငိုကြဖူးတယ် (မြင့်မြင့်အေး နဲ့ )


မြင့်မြတ်ခြင်းတွေ ပိုင်ဆိုင်ဖူးခဲ့ (မြင့်မြင့်အေး နဲ့ )
အေးချမ်းခြင်းကို ပိုင်ဆိုင်ဖူးခဲ့ (မြင့်မြင့်အေး နဲ့ )
အကောင်းအဆိုးတွေရင်ဆိုင်ဖူးတယ် (မြင့်မြင့်အေး နဲ့ )
အရှုံးပေးချိန် ငြိမ်ငြိမ်လေးရယ် (မြင့်မြင့်အေး နဲ့ )

NO COPYRIGHT INFRINGEMENT INTENDED

"Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use"