Is Crabas d'Ennargentu Crapargiu - N Pira tenore Mesina Orgosolo.wmv

Su Crapargiu 'e sa Vidda

Ocannu mi sò attu crapargione;
Pasculande sas crapas mannalithas,
Tra beccos, crappas e crappitas,
Credio de mi acher signorone.
Sian eternamente malaittas
E. sos meres ghettaos a Mamone
E-i sos corros de su beccu mannu
in culu a sas muzeres pro un' annu.

Est menzus iffascau dae sa ruca,
Chi non crapargiu 'e tantos eredes,
Si no hs piccat su male 'e sa vucca
Sun chi' sa tinza e su pappapedes,
Su mamentu chi tue non bi credes
In .sos iscoglios, trabucca, trabucca,
Brincan e si vracassan su telargiu
Ei sas gurpas sun a su crapargiu.

Si morit una crapa d'isventura
E prestu no' acattas su mortorgiu,
Già nd'intendes ispessu de puntorgiu,
Ti nan chi di l' as cotta affura, affura,
"Si vit istada morta in sa pastura
Acattau si vit, nessi, su corgiu,
e si cras sero non ghiras s'ispinnicu,
Mutto su marisciallu su Sindicu."

Una die, una tale arrennegada
mi preguntat quasi pianghende
"Sa crappa mea est chene improssimada,
Ello sos beccos, ite sunu achende?"
Eo appo chin calma incoraggiada
"Ista sicura chi a sun currende,
e appena sa crappa enit in muta
Totas battos si l'an a ponne' sutta."

Dae nou mi torrat attoppare
e mi dimandat un' atera die.
L'apo rispostu, in gana 'e brullare,
"Si no imprinzat tenet maladia.
'Eo non ti la posso improssimare,
ca mancu basto pro sa crappa mia.
Sun sos beccos grumpinde die, die,
Poden curres sa crappa e pen a tie."

Pustis de zertu tempus ana curta,
Rughet a partu de duos gemellos,
Ma mancu gasi cuntenta resurtat
Ca los chenat mannos the bitellos
Mi nat chi sos crappitos non fin hellos,
Chi sa crappa su sero ghirat murta!
"Credo chi si la sugat su pastore,
Slat su mannu o sia su minore."

Gosi deo no' apo mai pasu,
Mi allichin sa pala e-i su coddu.
Chie mi nat chi sò achende casu
Chie chi vendo latte e acco joddu,
No' lis depo valore de unu soddu
Chi mind .essan sos occios e su nasu,
Ma su cnngadore e' semper gai,
De criticare no s' istracca mai.

Sunu sas limbas malas fittianu
Semper alluttas de motu continu.
Chic lar voca' chitto su manzanu
E chie nde la' sichit a caminu,
Er menzus unu rimitanu
o unu Beccamortu o ispazzinu.
Pro achere a sa vidda su theraccu
vi cheret unu santu o unu maccu.

Tanielle Ziranu Cincicorru