"O'zbek tilining obro'sini ko'tarishimiz kerak": mutaxassis Saida Rashidova bilan intervyu

Afisha.uz ilk marotaba podkast formatini sinovdan o'tkazib, birinchi mavzu sifatida o'zbek tili haqida suhbat qurishga qaror qildi. Buning uchun esa biz o'qituvchi-mutaxassis, hozirda o'zbek tilini zamonaviy kurslar asosida targ'ib qilib, eng qulay va qiziqarli formatda ta'lim berayotgan Saida Rashidovani taklif qildik.

U bilan o'zbek tilining hozirdagi "statusi", chet elliklar nima sababdan o'zbek tilini o'rganayotgani va nimada qiynalayotgani, nima uchun ko'pgina O'zbekiston fuqarolari davlat tilida gapira olmasligi hamda buning yechimlari haqida suhbatlashdik.