Namaz Parhne Aur Qaim Karne Mein Farq?!!!

Assalam-o-Alaikum; Namaz parhne aur qaim karne mein farq kya hai? Allah pak ne namaz ke bare mein Quran-e-Pak mein bar bar farmaya ke namaz qaim karo. Lakin hum namaz parhte hain lakin qaim nahi karte. Hum jo namaz parhte hain ye namaz e waqti hai aur jo namaz qaim karna hai us ko daimi namaz kehte hain. Aisi namaz jo kabhi khatam hi nahi hoti daimi namaz aik aisi namaz hai jo hameshan qaim rehti hai jo hameshan hoti hi rehti hai. Namaz qaim ho jay to wo waqt ki muhtaj nahi hai namaz qaim ho jaye to wo zindagi ki muhtaj nahi hai. Jab Nibiyon ne namaz qaim ki to Rasool Allah Sallallahu Alaihi Wasallam ne meraaj se pehle jo Nabiyon ko namaz parhai thi wo jism to nahi thay wo kon si namaz thi? Wo roh ki namaz thi aur roh ki namaz aisi namaz hai jo qaim hai. Aur jo namaz qaim ho jaye wo phir marne ke bad bhi hoti hi rehti hai. Aur hum jo jism ki namaz parhte hain ye waqti hai aur jism ke zinda hone tak hi rehti hai jism ke is duniya se rukhsat hone ke bad phir ye namaz bhi khatam ho jati hai. Allah Pak ne Quran-e-Pak mein namaz qaim karne ke bare mein farmaya hai jo bar bar hukum hai wo namaz qaim ka hai. Ab namaz parhne aur qaim karne mein farq kya hai? Hum jo jism se namaz parhte hain ye namaz parhna hai qaim karna nahi hai. Jab ke jo ye namaz parhna hai ye wasela hai namaz qaim karne ka. Agar ap namaz qaim karna chahte hain to phir ap ko roh ki talem hasil karna pare gi. Kiun ke baghair roh ki talem ke ap namaz qaim kar hi nahi sakte. Us ke liye ap ko samjhna ho ga ke roh ki talem kya hai? Hazoor ghous pak farmate hain jab tu zuhab se zikr kare ga to taib kehlaey ga lakin jab tu batin se zikr kare ga to phir tu Arif kehlaey ga. Namaz qaim karne ke liye ap ko batin ko samjhna ho ga. Aik ap ka jism hai ye kya hai ye kaseef hai aur ap ki roh latef hai. Ap ki bilkul hamshakal hai jo ap ke andar qaid hai ap ki roh aur ap ke humshakal 7 aur hain jin ko lataif kaha jata hai. Aik bat yad rahe ke jism ki namaz waqti hai lakin wo namaz jo ap ke andar hai ap apne andar ki namaz ko ujagar kar lein aur wo kabhi khatam nahi hoti aur wo har waqt sajde aur raku hote hi rehte hain. #Namaz #FikarEIqbal #AdvZuhaibHafeez

More Information Vist For

  / fikar_iqbal  
  / advocate-zuhaib-hafeez-218700805689062  
The Country Pakistan: What Will Happen To The Next Time?
   • The Country Pakistan: What Will Happen To ...  
Divine Love True Love Of God!!!
   • Divine Love True Love Of God!!!