PİLOT FEYRUZ CƏLİLOVUN OĞLU HELİKOPTERİN VURULDUĞU YERDƏ

30 ildir həsrətlə Cəlilovlar ailəsi Feyruzun son uçuş etdiyi olduğu torpağı ziyarət edəcəyi günü gözləyib, bunun xəyalını qurub. Deyirlər, pilotlar səmanı gözlərində gəzdirir, günəşi əllərində isidirlər. Anaları onları zirvələr üçün doğur. Hər zaman ucalıqdadırlar. Əlimizin yetmədiyi yüksəkliklərə yüksəlirlər. Nə Feyruza, nə də helkopterin qalıqlarına əlimiz yetmədi. Pliot Feyruz Babayev itgin düşmüşlərdən sayılır. Kim bilir, bəlkədə sağdır?
Qarabağ müharibəsinin başladığı ən qızğın vaxtda ilk hərbi pilotlarımızdan biri, kapitan Feyruz Cəlilov könüllü olaraq əməliyyatlara qoşulub. Həmin illərdə Azərbaycan hərbi aviasiyasının şəxsi heyəti mülki aviasiyanın pilotları hesabına formalaşırdı. Feyruz Cəlilov Kəlbəcər və Ağdərə rayonlarının müdafiəsi uğrunda gedən döyüşlərdə böyük şücaət və igidlik göstərib. 30 il əvvəl, 1993-cü il avqustun 30-u Qubadlı kimi Cəlilov üçün də son döyüş olub. Həmin gün Feyruzun idarə etdiyi helikopter Qubadlını müdafiə edərkən ermənilər tərəfindən vurulub. Bu günə kimi Cəlilovlar ailəsinin gözü yoldadır. Ailəsinin ən böyük arzusu helikopterin vurulduğu yeri ziyarət etmək idi. “AZTV-XƏBƏR” əməkdaşları pilotun oğlu ilə birlikdə Qubadlıya gedib, həmin yerdə olublar. Kapitan Feyruz Cəlilovun idarə etdiyi helikopter 1993-cü il avqustun 30-da Qubadlı səmasında ermənilər tərəfindən vurulub, Feyruzdan savayı iki nəfər heyətlə birlikdə. Aleksandr Mizyak və Arif Mərəliyev! Bu günə kimi onlardan heç bir məlumat əldə olunmayıb. Feyruzun oğlu Qabil Cəlilov atasının yolunu davam etdirir. Zabrat aviamüəssisəsində çalışır. Atasının vaxtı ilə uğrunda döyüşdüyü müqəddəs torpaqlarımızı ziyarət etmək, helikopterin vurulduğu yeri görmək onun ən böyük arzusu olub. ilk gördüyümdə “30 ildir bu günü gözləyirdim. Sanki ora atamla görüşməyə gedirəm. Sevincimlə kədərim bir aradadır. Orda nəsə bir iz olmalıdır” demişdi Qabil. Elə bu izi tapamaq üçün Rəşadətli Ordumuzun şücaəti, minlərlə şəhidimizin qanı ilə yoğrulan, müqəddəsləşən torpaqlarımızı qarış qarış gəzəcəyik. Təki helikopterin vurulduğu yeri tapaq, ondan bir dəmir parçasına rast gələk, Qabilə təsəlli olsun deyə... İlk dayanacağımız Zəngilan oldu. Zəngilandan Qubadlıya gedirik. Zəhmətkeş insanlarımızın qurub yaratmaq əzminə şahid ola ola çəkilən yeni yollarla hərəkət etdikcə, işğaldan azad edilən ərazilərimizdə həyatın canlandığını, dirçəldildiyini görmək insana təsəlli verir. Gözəl təbət mənzərəsinin qoynunda yerləşən Qubadlının daşı daş üstündə qalmayan binaları, uçurulub, dağıdılan şəhərin mənzərəsi istər 1-ci Qarabağ, istərsə də 44 günlük Vətən müharibəsi dönəmində burda gərgin döyüşlərin necə getdiyini bir daha göz önündə canlandırır... Qubadlının Mahmudlu kəndindəyik. Minatəmizləmə Agentliyinin əməkdaşları burada minaları təmizləyir. Gedəcəyimiz məkanda da, mina təhlükəsi olduğundan ANAMA bizə dəstək olur. İstehkamçı Asif Yusifov bizi ünvana təhlükəsiz çatdıracaq.
Burdan Qayalı kəndinə bir qədər yolumuz qalıb. Deyilənlərə görə, düşmən tərəfindən vurulan helikopter, Mahmudlu və Qayalı kəndləri aralığında yerləşən dərə boşluqlarından birinə düşüb. Elə Qabilin dediyi o izi, helikopterin düşdüyü yeri tapmaq üçün əkin sahəsini keçib, dərə boşluqlarına nəzər salacağıq. Ətrafda görünən bütün dəmir parçaları Qabilin diqqətini cəlb edir. Bəlkə bu həmin helkopterin qalığından bir parçadır deyə...
Feyruz Cəlilovun idarə etdiyi helikopter vurulanda Qabilin 10, atasının 34 yaşı vardı. Qabilində dediyi kimi, onu ziyarət edəcək məzarı belə yoxdur.
#aztv #sehidlerolmez #sehidlerolmezvetenbolunmez #zabrat #helikopter