Ma'rifatli yoshlar - millat faxri

Тransport nazorati inspeksiyasida faoliyat yuritayotgan yosh xodimlar ishtirokida yuqoridagi shior ostida intellektual musobaqalar tashkil etildi.

Toshkent viloyati Bo‘stonliq tumanidagi "Shafran" dam olish maskanida o‘tkazilgan tadbirda inspeksiyaning markaziy apparati va hududiy bo'limlari xodimlari dastlab "Yosh kitobxon" tanlovining final bosqichida bilimlarini sinovdan o‘tkazishdi. "Zakovat"  intellektual o'yini orqali jamoaviy bahslarda ham o‘z iqtidorlarini namoyish etishdi.

Ikki kunlik tadbirda ishtirokchilar sportning futbol, stol tennisi, voleybol, armrestling, shaxmat, shashka kabi turlarida bahslashib, jismoniy va ruhiy tayyorgarliklarini maromiga yetkazishdi.

Tadbir so‘ngida gʻolib va sovrindorlar tashkilotchilar tomonidan diplom va esdalik sovg‘alari bilan taqdirlandi.