奪命提示｜主演自我引爆睡相互相傷害 丁丁Rosita勇奪奇特冠軍

奪命提示｜主演自我引爆睡相互相傷害 丁丁Rosita勇奪奇特冠軍

熱播劇《奪命提示》嘅幾位主要演員，近日正苦惱到底邊個係「Julie」，雖然劇中係甜蜜CP對對鬥Sweet，不過劇外佢哋嘅明爭暗鬥一樣未平息，仲先後自爆拍攝空檔嘅睡相。

myTV SUPER重溫冇得瞓換嚟熱播《奪命提示》
https://www.mytvsuper.com/tc/programm...

陳山聰 劉佩玥 張振朗 劉穎鏇 丁子朗 同 郭柏姸 幾位主演，就先後於社交平台公開佢哋自己被偷拍嘅片場釣魚快速充電時刻喇，山聰仲指手中持有各位隊員睡相嘅全奪閃卡，佢話：「我手頭上有齊晒ASIB咁多位要員嘅瞓覺相，但係我唔會咁衰仔出賣手足，所以我而家自爆先。」

拍劇時間極長之下，演員等候工作人員轉場時，都會趁機補眠，等上鏡時有最佳面貌，而繼山聰之後，佢嘅好拍檔阿Moon亦自爆出Post，不論坐車定戶外未埋位，一樣珍惜每一分秒瞓返陣。

而OwenOwen身為視帝，經驗豐富下Gel好靚仔頭一樣倒頭大睡，仲話世上冇人會可以影到佢醜怪嘅一面喎。同佢劇中甜到暈嘅Tiff，仲Share梳化一齊以有限空間令自己最舒服地休息。

咪以為年輕一輩就精神好唔使瞓﹐丁丁瞓著嘅樣唔知口張開，仲雙眼微張，就似係被劇中匪徒KO擊倒，完全掹電熄機多過瞓著。不過最強勁嘅就一定係港姐出身嘅Rosita喇，唔止坐喺度瞓到，就連企喺度等嗌Action都一樣挨住做「柱」女照瞓可也，真係唔講得笑。

《奪命提示》星期一至五晚 20:30 翡翠台

#奪命提示 #自爆睡相 #陳山聰 #劉佩玥 #張振朗 #劉穎鏇 #丁子朗 #郭柏姸
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0