Mitugo ya Gikuyu, Macokio Kamaru pt 2-- SMS [Skiza 5802088) to 811

#kamaruhits1982 #kamarungogoyo #josephkamaru
Album: - Kamaru Hits 1982
Album Release:-1982
Stream: https://smarturl.it/KamaruHits1982
Website: https://josephkamaru.com/

Lyrics:
Kũria ti gũkĩga no Ndũrũ nĩakunyĩte ĩtarĩ, mĩhĩrĩga kenda ithiegeni rĩrĩ nda. Njirũ iitũ noyo ũrogi ũkĩrĩte rithathi tũngĩetire hiti ciokaga ikana ta mbũri. Na mwĩthaga nĩũngĩ mũhuhi wa mbura nĩarumaga hũngũ kana mbwe ĩgakua ĩtarĩ ngũthe. Ndikũgweta yothe mũceera gĩta kĩarĩ gĩake nĩakwahũra irigũ mũramba na ngoro irĩ o igũrũ.
Mwatũ ũyũ nĩũrehwo ngunĩke o rĩu ũkĩonaga njĩkĩre hengero na ithigo ngunĩko icio irũme. Njama ya atumia kũrĩra makĩhoya mbũri na ciagana ineo Mwangi magathĩnjĩre mbura. Njama ya atumia kwarĩ mbũri ya kũharagania, macoke mekĩrwo ngwaro matũ mbura ĩgatheca thĩ. Nguo ciao rehe ndĩihake maguta ndĩihake thĩrĩga thabuni wokire na chomba.
Ngomi yakwa ya itĩ nĩ ngo ya kwĩgita, thiira nĩ wa ihĩĩ irua nĩ rĩa rũciũ na oke, itimũ nĩ rĩrĩ rĩ mũra na nduthu mũtĩ gatagatĩ tharaita rĩregĩtĩka itimũ. Githee, cũrũri, gĩchango , mĩgathĩ na hang’I, gĩchocho gĩa ciero na icũhĩ cia Ciara. Macio nĩ mathaga ma andũ anja nyarũrũng’a ĩrĩ oho ona wanyua mbakĩ ngũkũinia wĩtĩkĩre ikinya.
Marika nĩ meerĩ na nduĩka akorwo ndũciũĩ mwangi,irungu iregi na ndemi na maina mũkũrũ, kamaarũ mũciare nĩ mwangi ũthamaki nĩwao nayo ndemi ĩkĩũra gĩtũmi nĩ mathirwo nĩ aka. Mũndũ ũtarĩ kĩama kamatimũ mũrĩa mũchongocho mĩtugo ya gĩkũyũ athuuri tũkũrara haha. Nyũmba nĩ mwakĩigua gĩkũyũ gĩtirĩ mwarimũ,tondũ akorwo kuo kamaarũ ndathomithia chomba. Tondũ korwo arĩ kuo andũ aitũ nĩmũngĩnjiguĩte.