UCHUNGUZI WA AJALI YA HELIKOPTA ILIYOUA WATU WATANO WAANZA KILIMANJARO
Автор: Mwananchi Digital
Загружено: 2025-12-25
Просмотров: 2517
Moshi. Wataalamu kutoka mamlaka ya usafiri wa anga Tanzania (TCAA) na Kitengo maalumu cha uchunguzi wa ajali za ndege (AAI) wameweka kambi katika Hifadhi ya Taifa ya Kilimanjaro, eneo la Barafu, kufanya uchunguzi wa kina kubaini chanzo cha ajali ya helikopta ya kampuni ya uokoaji ya Kilimedair, iliyosababisha vifo vya watu watano.
Akizungumza leo Desemba 25,2025,mjini Moshi, mkoani Kilimanjaro, Kamishna wa uhifadhi, hifadhi za Taifa Tanzania (Tanapa) Musa Kuji amesema chanzo cha ajali hiyo bado hakijajulikana na kwamba mamlaka husika za TCAA na AAI wako katika eneo la tukio wanaendelea na uchunguzi, ili kubaini chanzo na mazingira ya ajali hiyo.
Kamishna Kuji amewataja waliofariki dunia kuwa ni David Plos (30) na Anna Plosova (30) ambao ni watalii na raia wa Jamhuri ya Czech.
Wengine ni Costantin Mazonde (42) raia wa Zimbabwe ambaye alikiwa rubani na mkazi wa Soweto mjini Moshi, Jimmy Daniel (32), daktari wa kampuni ya uokoaji ya Kilimedair ambaye ni mkazi wa Rau mjini Moshi na Inocent Mbaga ambaye ni muongoza watalii (Guide).
Amesema watalii hao walianza safari ya kupanda mlima kilimanjaro, Desemba 20,2025, kupitia njia ya Machame, ambapo walipanda na Kampuni ya Utalii ya Mikaya Tours na ilikuwa ni safari ya siku sita.
Kwa mujibu wa Tanapa ajali hiyo ya helikopta ilihusisha ndege ya Kampuni ya KilimediAir aina ya Airbus.
#mwananchiupdates
Доступные форматы для скачивания:
Скачать видео mp4
-
Информация по загрузке:
![Уральские Пельмени | [НОВЫЙ 2025] Хельга | Комедийная группа №1 в России](https://ricktube.ru/thumbnail/SRaUkTHDwlg/mqdefault.jpg)
