“Më vodhi burrin, jeton me dashnorin e së ëmës!” Tikja shpërthen në akuza tronditëse ndaj kunatës

“Gjakun e nënës sime nuk e ha dot nusja e vëllait tim se do të bëhet nami!”, shprehet Tikja në insertin prezantues të “Shihemi në Gjyq.” Ajo ka thirrur babain, Gurin, në rubrikën e së “Dielës Shqiptare” në Tv Klan duke e akuzuar si “mashtrues” e “të pabesë.”

Kurse Guri është i prerë në qëndrimin e tij se nuk do t’i japë asnjërit asgjë. Ai është baba i tre fëmijëve, dy djemve dhe Tikes, e cila qëndron me të në shtëpi. Seanca nis me fjalët e saj të ashpra kundrejt të atit dhe thotë se ai i ka kaluar shtëpinë nuses së shtëpisë, Klodianës, që nuk jeton me ta prej 17 vitesh.

Tike: Babai im më doli një mashtrues, mos të të vijë keq, sa e dua unë, nuk e do njeri babanë tim!

Guri: Pse moj çupë të dola kundër unë ty, për çfarë?

Tike: Sepse baba, ti ke hedhur shtëpinë në emrin e Klodiana Resulajt, të nuses. Ajo ka 17 vjet që nuk jeton me vëllanë tim. E ke bërë ti!

Guri: Stakoje mendjen, nuk ka për të marrë shtëpi Klodiana, nuk ka emër fare Klodiana! Këtë e bëri noterja e Vlorës!

Tike: Ti më ke premtuar mua baba që do të më hedhësh pronë dhe nuk më ke hedhur asgjë!

Tikja tregon se ka sakrifikuar shumë për prindërit dhe është kujdesur për të dy, sidomos për nënën e sëmurë nga kanceri. Këtë e pranon edhe Guri, por ajo është tepër e mërzitur me të atin lidhur me këtë pronë të blerë prej tij në vitin 2008. Sot rezulton se kjo pronë i përket Gurit, Andit dhe Klodianës.

Ndërkohë, Tikja, Guri e Andi jetojnë në një apartament dhomë e kuzhinë. Vajza ngre akuza të forta e të rënda ndaj Klodianës duke e akuzuar për vjedhje, për shkakun e ndarjes nga bashkëshorti dhe pretendon se ka dy lidhje jashtëmartesore.

Tike: Guri, unë nuk të mbaj më! Sa të kam dashur ty, nuk kam dashur as fëmijën e as burrin! Asnjë! E more vesh? Doje Klodianën që ajo më vodhi! Më ka vjedhur florinjtë kur jam martuar! Më ka ndarë nga burri sa më ka ikur burri, e kam nga Lushnja! Ky e qaste! Ky!

Eni Çobani: Klodianën?

Tike: Po, po! Më ka vjedhur! Klodiana jeton me dashnorin e së ëmës!

Guri: Klodiana është një e rrugëve, unë e di...

Eni Çobani: Janë akuza shumë të rënda...

Guri: Ka 17 vjet!

Eni Çobani: Prit tani se i hidhni fjalët këtu dhe më thonë si i lejon? Klodiana Resulaj është bashkëshortja e Andit. Andi është ndarë me Klodianën apo jo se po habisni publikun?

Guri: Andi jeton me mua, një divan unë, një divan Andi!

Eni Çobani: Ku është gruaja?

Tike: Gruaja jeton me të dashurin e së ëmës dhe unë e bëj publik këtë, të vijë të ballafaqohet edhe me mua këtu!

Eni Çobani: Tani i dashuri është i nënës apo i Klodianës?

Tike: I nënës! Edhe ajo ka dashnor!

Eni Çobani: Tjetër apo këtë?

Tike: Të nënës dhe të sajin!

Guri: Është familje e degjeneruar!

E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve.

#EDielaShqiptare #ArditGjebrea #TVKlan

#enicobani #tike #vajze #baba #kunate #guri