രാസക്രീഡ നാരായണീയം പി. ലീല | Raasakreeda Narayaneeyam P. Leela
Автор: Sidharth K
Загружено: 2025-08-10
Просмотров: 2287
രാസക്രീഡാവര്‍ണ്ണനം – നാരായണീയം (69)
കേശാപാശധൃതപിഞ്ഛികാവിതതി സഞ്ചലന്മകരകുണ്ഡലം
ഹാരജാലവനമാലികാലളിത അംഗരാഗഘന സൗരഭം
പീതചേലധൃതകാഞ്ചികാഞ്ചിത ഉദഞ്ചദംശുമണിനൂപുരം
രാസകേളി പരിഭൂഷിതം തവ ഹി രൂപമീശ ! കലയാമഹേ || 1 ||
താവദേവ കൃതമണ്ഡനേ കലിത കഞ്ചുളീക കുചമണ്ഡലേ
ഗണ്ഡലോലമണികുണ്ഡലേ യുവതി മണ്ഡലേഽഥ പരിമണ്ഡലേ
അന്തരാ സകലസുന്ദരീയുഗളം ഇന്ദിരാരമണ ! സഞ്ചരന്‍
മഞ്ജുളാം തദനു രാസകേളിമയി കഞ്ജനാഭ! സമുപാദധാഃ || 2 ||
വാസുദേവ ! തവ ഭാസമാനമിഹ രാസകേളിരസ-സൗരഭം
ദൂരതോഽപി ഖലും നാരാദാഗദിതം ആകലയ്യ കുതുകാകുലാ
വേഷഭൂഷണ വിലാസ പേശല വിലാസിനീശത സമാവൃതാ
നാകതോ യുഗപദാഗതാ വിയതി വേഗതോഽഥ സുരമണ്ഡലീ .. || 3 ||
വേണുനാദ – കൃത താനദാന കള ഗാനരാഗ ഗതി യോജനാ
ലോഭനീയ മൃദു പാദപാതകൃത താള മേളന മനോഹരം
പാണിസംക്വണിതകങ്കണം ച മുഹു രംസലംബിതകരാംബുജം
ശ്രോണിബിംബചലദംബരം ഭജത രാസകേളിരസഡംബരം || 4 ||
ശ്രദ്ധയാ വിരചിതാനുഗാനകൃത താരതാര മധുരസ്വരേ
നര്‍ത്തനേഽഥ ലളിതാംഗഹാര ലുളിതാംഗഹാര മണിഭുഷണേ
സമ്മദേന കൃതപുഷ്പവര്‍ഷമലം ഉന്മിഷദ് ദിവിഷദാം കുലം
ചിന്മയേ ത്വയി നിലീയമാനമിവ സമ്മുമോഹ സവധൂകുലം. || 5 ||
സ്വിന്നസന്നതനുവല്ലരീ തദനു കാഽപി നാമ പശുപാംഗനാ
കാന്തമംസമവലംബതേ സ്മ തവ താന്തിഭാര മുകുളേക്ഷണാ
കാചിദാചലിതകുന്തലാ നവ പടീരസാര ഘനസൗരഭം
വഞ്ചനേന തവ സഞ്ചുചുംബ ഭുജമഞ്ചിതോരു പുളകാങ്കുരാ || 6 ||
കാഽപി ഗണ്ഡഭുവി സന്നിധായ നിജ ഗണ്ഡമാകുലിതകുണ്ഡലം
പുണ്യപൂരനിധിരന്വവാപ തവ പൂഗചര്‍വ്വിത രസാമൃതം
ഇന്ദിരാവിഹൃതിമന്ദിരം ഭുവന സുന്ദരം ഹി നടനാന്തരേ
ത്വാമവാപ്യ ദധുരംഗനാഃ കിമു ന സമ്മദോന്മദ ദശാന്തരം ? || 7 ||
ഗാനമീശ ! വിരതം, ക്രമേണ കില വാദ്യമേളനമുപാരതം
ബ്രഹ്മസമ്മദ രസാകുലാഃസ്സദസി കേവലം നനൃതുരംഗനാഃ
നാവിദന്നപി ച നീവികാം കിമപി കുന്തളീമപി ച കഞ്ചുളീം
ജ്യോതിഷാമപി കദംബകം ദിവി വിളംബിതം കിമപരം ബ്രുവേ ? || 8 ||
മോദസീമ്നി ഭുവനം വിലാപ്യ വിഹൃതിം സമാപ്യ ച തതോ വിഭോ!
കേളിസംമൃദിത നിർമലാംഗ നവ ഘര്‍മ്മലേശ സുഭഗാത്മനാം
മന്മഥാസഹന ചേതസാം പശുപയോഷിതാം സുകൃതചോദിത
സ്താവദാകലിതമൂര്‍ത്തിരാദധിഥ മാരവീരപരമോത്സവാന്‍ || 9 ||
കേളിഭേദ പരിലോളിതാഭിരതി ലാളിതാഭിരബലാളിഭിഃ
സ്വൈരമീശ ! നനു സൂരജാപയസി ചാരുനാമ വിഹൃതിം വ്യധാഃ
കാനനേഽപി ച വിസാരി ശീതള കിശോരമാരുത മനോഹരേ
സുനസൗരഭമയേ വിലേസിഥ വിലാസിനീ ശതവിമോഹനം || 10 ||
കാമനീരിതി ഹി യാമിനീഷു ഖലു കാമനീയകനിധേ ! ഭവാന്‍
പൂര്‍ണ്ണസമ്മദരസാര്‍ണ്ണവം കമപി യോഗിഗമ്യനുഭാവയന്‍
ബ്രഹ്മശങ്കരമുഖാനപീഹ പശുപാംഗനാസു ബഹുമാനയന്‍
ഭക്തലോകഗമനീയരുപ ! കമനീയ! കൃഷ്ണ ! പരിപാഹി മാം || 11 ||
Доступные форматы для скачивания:
Скачать видео mp4
-
Информация по загрузке:
