Mensajen Amo Bispo Carlos Ximenes Belo ba “Eventu Lian Indíjenas” iha Timor-Leste PARTE 2

Iha ambitu Komemora Tinan 20 Konsulta Popular, iha loron Sesta, 30 Agostu (30/8), Secretario Estado de Arte e Cultura, Sua Exelencia Sr .Teofilo Caldas akompaha husi Secretaria Ezekutivu Interina Komisaun Nasional Timor-Leste ba UNESCO, Sra. Cedelizia Faria dos Santos nomos Sr, Ilidio Ximenes da Costa nu’udar Prezidente Komisaun Organizador ofisialmennte lansa eventu tinan internasional ba lian indijenas iha Timor Leste iha Sala Leitura Xanana Gusmao- Lecidere.

Nasoens Unidas deklara 2019 nu’udar Tinan ba Lian Indíjenas atu fanu atensaun ba asuntu ida ne’e, la’os atu benefisia ema sira ne’ebé mak koalia lian sira ne’e, maibe mos atu ema sira seluk fó apresiasaun ba kontribuisaun importante mak sira fó ona ba ita-nia mundu sai riku tebes ho diversidade kultural.”
Eventu Lian Idíjenas hala’o iha momentu istóriku ida ne’e atu selebra kontribuisaun Indíjenas nian ba ita-nia nasaun ho soin diversidade kultura husi ema Indíjenas sira. Durante periodu rezistensia; “Lian Indíjenas / Lian Lokál sira sai mos forsa ida ba Timor-nia luta, tantu atu tranzmite mensajen rezistensia ka asegura segredu no informasun sira husi inimigu. Maske nune’e, forsa inimigu sira mos uza meius ne’ebé hanesan hodi aprende dadauk ita-nia lian lokál sira atu halo infiltrasaun maibe la konsege sobu ita-nia unidade nasional mak metin ba bebeik.”Ba kauza ida ne’e duni mak merese ema hotu nia asaun hamutuk atu fo rekoiñesimentu no halo prezervasaun.

Eventu ne’ebe hanesan parte integradu husi komemora tinan 20 Konsulta Populár / REFERENDUM hetan partisipasaun husi Embaixadora de Boavontede sobre os assuntus de Edukasaun Sra. Kirsty Sword Gusmao, Secretaria Ezekutivu Interina Komisaun Nasional Timor Leste ba UNESCO Sra. Cedelizia Faria dos Santos, Deputada Maria Barreto Gurumali, no reprezentante husi UNCT, Direitora Interina Fundasaun Alola o konvidadus sira seluk.

Iha abertura ba eventu ne'e hahu uluk ho loke expozisaun ba pintura husi Pintor Jacinto Batista ho tema Referendum no Kultura. Eventu ne'e sei remata iha 20 de Setembro 2019 hodi halao aktividade oin-oin hanesan Expozisaun Pintura, Expozisaun Tais, Jogos Tradisionais, Noite kultura Seminar, no mos Talkshow.