"Yazıqlar divara dırmaşırlar" | Albalı bağlar yaşayış massivində acınacaqlı vəziyyət - Baku TV

"Yazıqlar divara dırmaşırlar" | Albalı bağlar yaşayış massivində acınacaqlı vəziyyət - Baku TV

Albalı bağlar yaşayış massivində sakinlərin problemləri bitmək bilmir.
Onlar bildirirlər ki, ərazidə nə kanalizasiya sistemi, nə də içməli su xətti mövcuddur. Həmçinin yaşayış massivində işıq dirəkləri və zibil konteynerləri də yoxdur.
“İki gün yağış yağdı, yollar bərbad vəziyyətə düşdü. Yazıq uşaqlar məktəbə gedəndə az qalır ki, divara dırmaşsınlar”, – vətəndaşlardan biri söyləyib.
Digər bir sakin isə qeyd edib: “Şikayət etsək də, gəlib baxan yoxdur. Burada zibil qutuları, içməli su mövcud deyil”.
İri Şəhərlərin Birləşmiş Su Təchizatı Xidmətindən bildirilib ki, qurumun mərkəzləşmiş su və kanalizasiya şəbəkəsi olmayan ərazilərdə infrastrukturun qurulması və subasma hallarının qarşısının alınması məqsədilə tikinti-quruculuq işləri aparılır: “Sözügedən ərazidə də tullantı su təchizatı mərhələli şəkildə qurulacaq”.
Sıradan çıxan yolların nə zaman düzəldiləcəyi, ərazinin işıq dirəkləri və zibil konteynerləri ilə təmin olunması məsələsi ilə bağlı isə Sabunçu Rayon İcra Hakimiyyətindən qeyd olunub ki, rayonun bütün qəsəbələrində olduğu kimi, Maştağada da qəsəbədaxili yolların asfaltlanması mərkəzləşdirilmiş qaydada Azərbaycan Avtomobil Yolları Dövlət Agentliyi tərəfindən dövlət investisiya proqramları çərçivəsində həyata keçirilir.
Bildirilib ki, Maştağa qəsəbəsi, 49-cu Maştağa küçəsində yolun təmiri ilə bağlı tədbirlərin Dövlət İnvestisiya Proqramına əlavə edilməsi üçün Sabunçu Rayon İcra Hakimiyyəti tərəfindən aidiyyəti qurumlara müraciət olunub.
Həmçinin küçə işıqlarının quraşdırılması ilə bağlı “Bakı Şəhər İşığı” Elektrik Şəbəkə Müəssisəsinin Sabunçu təmir-bərpa sahəsinə, məişət tullantılarının atılması üçün nəzərdə tutulan konteynerlərin yerləşdirilməsi üçün isə Sabunçu Rayon Mənzil-Kommunal Təsərrüfatı Birliyinə məlumat verilib.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

❂❂❂❂❂

2026 © All Rights Reserved ℗ "Baku TV" LLC ™


#bakutv

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan