Daricorn-ға қатысты дау ушыға түсті

Арнаға тіркел / Подпишись на канал:    / @thesevennews  

9 жасар баланың буллингке ұшырауына себепкер – блогер Дариға Нүркееваға қатысты дау ушығып тұр. Ол балақайдың анасы Ольга Колузановадан әлі күнге дейін кешірім сұрамаған. Дәмханалардаң біріне жарнама жасаймын деп жеткіншекті видеороликқа түсіріп алып, оның сөзін бұрмалап жазғаны үшін айналасына мазақ болған баланың анасы блогерді сотқа да берген.
АЙЗАТ ТҰРҒЫНБЕКҚЫЗЫ, ТІЛШІ:
Дәл осы дәмханалар желісін жарнамалау мақсатындағы бейнеролик Алматыда түсірілген. Ойын баласының тілін бұрмалап, балағат сөзге балаған блогер ата-ананың келісімінсіз кәмелетке толмаған балақайды бейнетаспаға түсіруге болмайтынын білмейтін сияқты. Әлде жарнамасы жер жарсын деді ме, түсіргенін әлеуметтік желіге жайып салған блогердің басы енді бәлеге қалып отыр.

Басы бәлеге қалған блогердің лақап аты – Daricorn. Әлеуметтік желі жазылымындағы 1 миллионнан аса адам Дариға Нүрекееваны осы лақап атпен таниды. Бірақ жарнамадағы пицца сөзі үшін қатарластарының буллингіне ұшыраған балақайдың тағдыры оны ойландырмаған сияқты. Анасы Дариғаның тіпті кешірім сұрамағанын айтады.

ОЛЬГА КОЛУЗАНОВА, АЛМАТЫ ҚАЛАСЫНЫҢ ТҰРҒЫНЫ:
Маған оларды сотқа беруге тура келді. Өйткені ашық түрде кешірім сұраудан бас тартты. Ал сот біздің пайдамызға шешті. 500 мың теңге моралдық шығын өтеуді жүктеді. Өйткені мен заңгер, нотариус, психологтарға жұмсаған шығынымды өтеуім керек қой. Ал олар аппеляциялық шағым түсірді. Содан соң шағымнан пайда тапқысы келеді деген сияқты өзіме жала жапты.

Дариға балалар арасында мазақ сөздер естіп, футбол клубына барудан бас тартқан баланың психологиялық жағдайына пысқырып та қарамаған. Қазір бейнеролик алып тасталған. Сарапшылар лайк жинау үшін хайп қуудың да шегі болуы керек деп отыр.

ФАТИМА ҚОСАЕВА, THE STEPPE UP АГЕНТТІГІНІҢ КЕҢЕСШІСІ:
Блогерсің бе, блогер емессің бе, парақшаң бар ма, жоқ па баланы ата-анасының рұқсатынсыз түсіріп, бейнеролик жариялауға құқың жоқ. Тіпті өз балаңның бейнесін жариялағанда да ойлану керек. Ол ертең оның өміріне қалай әсер етерін білмейсің ғой. Тіпті хайп қуғанда да байқасын.
Пиццаны анық айта алмағаны үшін балақайды көпшілік мазағына ұшыратқан блогер әлі жауапкершілікке тартылған жоқ. «Осындай жағдайда ата-аналар өз құқығын білуге тиіс», - дейді баланың анасы Ольга Колузанова.
---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал