Klan News - Disa lagje në Vlorë pa ujë

“Në kulm të sezonit turistik, Vlora vuan ende mungesën e furnizimit me ujë të pijshëm. Në fakt disa prej laghjeve të qytetit mbeten më problematike, të cilat prej 30 vitesh nuk furnizohen me uijë. Ndoshemi në lagjen Partizani në Vlorë dhe kjo është situata. Në çezmat e banorëve të kësaj lagje nuk ka ujë”, raporton gazetarja e Klan News, Greta Haskaj.

Banorët shprehen se ankesat e tyre të përsëritura, nuk kanë marrë ende zgjidhje. Disa prej tyre kanë menduar si zgjidhje, hapjen e puseve ndëqrsa disa të tjerë po e blejnë ujin.

“Ne kemi shumë vite pa ujë. As nuk ve dorën njeri far. S’ka fare ujë këtu. Ujin e mbushim poshtë, çdo ditë."

“Blejmë nga një makinë që na vjen këtu, e rrojmë se ndryshe nuk rrojmë dot, po vdesim.”

“Gjithë kjo temperaturë, ne do të na zejë ndonjë epidemi pa ujë.”

“Ja pa ujë, rrobat pa larë. Mbushim ujë çdo dy a tre ditë natën.”

Në përgjigje të kërkesës tonë për informacion, Drejtori i Ujësjellës-Kanalizime në Vlorë, Ermal Murati u shpreh se lagjia “Partizani” është pjesë e projektit për furnizimin 24 orë me ujë të pijshëm, që përfshin gjithashtu lagje të tjera periferike si “15 Tetori” apo “Topanaja”.

Mungesa e ujit ka vështirësuar jetesën e qytetarëve dhe turistëve të shumtë në këtë periudhë të nxehtë.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan