'Entrelazar' 2025 - Mouricios (Chantada) - Artesanía de Galicia

🌿No taller "Circula o territorio a través das mans" exploráronse o liño e o vimbio cultivados no Espacio Vilaseco en Os Casares (Mouricios, Chantada) para buscar expresións que trascenderan o utilitario, poñendo os materiais como protagonistas, conectándoos coa paisaxe de Galicia e coa riqueza dos procesos. O taller estivo impartido pola artista téxtil Rosana Escobar (Colombia) e contou coa colaboración de Idoia Cuesta e de Jorge Filipe de Sá Pinheiro.
As xornadas 🌿Entrelazar🌿 centráronse na cestería dende unha visión transversal e na relación entre o material, o territorio e a creación da artesanía contemporánea. Estiveron comisariadas pola deseñadora téxtil Inés Sistiaga e reuniron en Mouricios a máis de 60 profesionais vinculados aos ámbitos da artesanía, da arquitectura, do deseño, da docencia e da investigación.
Estas xornadas, organizadas pola Fundación Pública Artesanía de Galicia en colaboración coa Galería Vilaseco Laboratorio Creativo, constitúen a terceira edición dunha iniciativa da Xunta de Galicia coa que se busca modernizar e innovar no sector artesanal galego a partir dos oficios tradicionais, dos recursos locais, de novos materiais e do ámbito rural.
Vídeo de Pablo GOLUBOFF
#artesaniadegalicia