法性講場 第54集 新居入伙做啲咩？

「作為佛弟子，新屋入伙洗唔洗拜四角？」呢個係非常特別嘅問題，一定要同大家分享一下！
　　
「拜四角」近似「拜地基主」。大家要先了解一下呢個習俗的原意，其實係因為呢間屋住咗本來存在嘅先靈，正所謂「入屋叫人」，所以要利用呢個行動去告知佢地，嚟緊就會入住啦，祈求保佑。但普遍都會認為呢啲未經迴向或強化嘅地基主未必有足夠福報或能力去保護眾生。
　　
喺古代，民間做法就會先請佢地到寺院聽經，進行超度後，就有福同能力去保護屋宅。而現代嘅做法，就會係主人家先到寺院或法會為自家嘅地基主作迴向，希望佢有能力保護自己屋宅，亦可令佢地有歡喜心同你結善緣。　
　　
而喺佛教的儀式，通常我哋會為單位進行「灑淨」。例如進行工程前希望工程順利，避免工業意外，可在裝修前進行灑淨；或工程完後，作為一個入住前的儀式進行。方法是以大悲水，一面誦「大悲咒」，在將要入住的單位圍住走三個圈，邊走邊灑「大悲水」；亦可利用時令的花或葉去灑，例如有人會用柳葉或柚子葉等。
　　
作為佛弟子，要有「自利利他」之心，所以入住新屋前要迴向地基主及灑淨，之後就可以安心入住啦！

=============
想睇返上集內容，可到：
【法性講場】第53集 參訪寺院的衣著要求
http://dn-ph.org/GLTMQTn

【法性講場】第52集 參訪寺院須知
http://dn-ph.org/wZEaXqh

【法性講場】第51集 何謂緇素？白衣？
http://dn-ph.org/vhcVGxd