中年好聲音3｜十強見粉絲逼爆商場 黃博《這一個夜》連續一周成熱搜No.1

中年好聲音3｜十強見粉絲逼爆商場 黃博《這一個夜》連續一周成熱搜No.1

《中年好聲音3》下月就會迎來總決賽登峯之戰，隨住戰況越來越激烈，選手人氣都越來越高，十強選手包括黃博、陳芷盈、張與辰、王鄭浚仁、趙浚承、占士丁丁、李金凱、劉洋、善玥澄以及曹越日前舉行見面會，粉絲逼爆商場，氣氛非常火爆，各選手亦獻唱回饋粉絲支持。

黃博差啲爆分嘅歌曲《這一個夜》引發熱烈討論，更連續一星期登上YouTube熱播第一名，七日經已累積超過70萬點擊。佢另一首演唱作《不必在乎我是誰》亦已破百萬View，而《中聲3》比賽至今，觀看率最高嘅5首歌，都係由黃博同芷盈呢兩位女將包辦。

黃博表示相當驚喜亦好多謝網民接受同喜愛佢嘅演繹，而芷盈獻唱嘅《領悟》點擊經已破120萬，佢都話開心到唔知講咩好。

myTV SUPER重溫《中聲3》選手比賽歷程 https://www.mytvsuper.com/tc/programm...

《中聲3》由海選至今超過9個月，選手經歷連月嘅高壓賽事，決賽前終於有時間放鬆，王鄭浚仁就快閃曼谷旅行，趙浚承返咗北京陪家人，而張與辰亦即將出發返馬來西亞小休。

呢日見面會亦宣布一個好消息，就係邀請到 羅志祥 擔任其中一位總決賽評判，總決賽將移師啟德體藝館舉行，門票一票難求，六大平台仲有少少飛送畀觀眾，大家記得把握最後機會。

搶飛方法睇呢度 https://bit.ly/3CChPkw

而講到呢個夢寐以求決賽場地，現身撐場嘅兩位師姐李佳同安雅希都不知幾羨慕，仲公開提議幕後安排佢哋表演，一來仲可以慳番佢地張門票，簡真係雙贏。

#中年好聲音#黃博 #陳芷盈 #張與辰 #王鄭浚仁 #趙浚承 #占士丁丁 #李金凱 #劉洋 #善玥澄 #曹越 #羅志祥 #登峯之戰 #這一個夜 #連續一周登熱搜
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0