مصايب كربلاء | الرادود الحسيني ابراهيم الموت

مصايب كربلاء
الرادود الحسيني ابراهيم الموت
كلمات الشاعر علي فضل
ليلة استشهاد السيدة زينب (ع) 1447 هـ

تابعنا على مواقع التواصل الأجتماعي
https://linktr.ee/azaanoaim

جميع الحقوق محفوظة لموكب عزاء النعيم


كلمات القصيدة :
يا آخر أنفاس العُمُر أستحضُر آلامي
كلها مصايب كربلة أنظرها گِدّامي
وأتذكّر اشلون المُهُر من جاني بخيامي
يصهل يزينب بالعَجَل گومي لهالظامي
عِفته على حَر الثرى شايل جُرُح دامي
مفطور گلبه بالسهم ما ظَل لكم حامي

گومي يزينب بالعَجل لا يوصَلَه سيف الأجل
حسّيت دنيا ظَلَّمَتْ والله من المصيبة
يا ليت ما ظَل بي عُمُر مِتربُّع إبصدره الشُمُر
يا ويله روّى صارِمه من شيبته الخضيبة

ردّيت وحدي للخيم ما توگف العَبرة
والليل هوّد عالخيم يا ليلة الگشرة
والخيل هِجمَت واللهب ينزل على خِدره
لطفال فرّت بالألم في وحشة الصحرا
محتارة أجمَع عيلته ريحانة الزهرا
لو من يواري إجنازته مطروحة بالغبره

ما خافوا من رب السما وإسيوفهم تِگطُر دِما
هِجموا على آل النبي والعيلة سلَّبوها
سِلبوا عليلي إبخيمته ينظر في حسرة عمته
واشلون من جور الدهر بالسوط يضرُبُوها

ما أنسى خويه إجنازته مطروحة بالوطية
جِسمَه تِسلَّب والمُقَل مني إبدَمِع جريّة
راسه أشوفه إعلى الرُمُح وإتكبُّر آل أمية
وأضلاعه رضّوها العِدا بالخيل لعوجية
وحسين راسه بالقنا مِنّه الدمع يسيله
ينظر بناته والحَرَم تركب على الهزيلة
ينظر إلى الحورا إبألم محتارة في عليله
كل السبايا إتركبَّت بس ظلّت العقيلة

سَفرة ألم عصيبة ما أصعب المصيبة
للكوفة ويّا الأيتام يا حسرة بظهور الهِزِل
والسَفرةِ المريرة من ترتحل أسيرة
بنت الوصي لرض الشام وينه الكفيل ابو الفَضِل

وإلى الشام إبألم جينه نشوف إمعلّگة الزينة
علينا تشمت العالم وأدوّر بو الفضِل وينه
وأناشِد يا علي خلهم يگدموا راس أبو إسكينه
خزتنا يا علي هالناس شماتة كلمن إبعينه

وَسَط كل الخلايق وگّفونه .وبحبال الأعادي ربَّطونه
ويسمّونه الخوارج بالله واشلون وجدنا المصطفى وحيدر أبونه
ولا أنسى في يوم إلدَخَّلونه على الفاجر وَسَط مجلِس مُجونه
وأمر بالراس هالفاجر يجيبوه وشفته اشلون من كسّر سِنونَه

يتفاخَر إبغُروره ويله تِجبَّر
يشتم حيدر أبونه اللهُ أكبر
وأنظر لراس أخويه وثغره إلتِكسَّر
وانظر حال السبايا وگلبي تِفطّر
ما گصَّروا إبظِلِمهُم والله العِصابة
ما راعوا إلنبيهم حُرمة وگرابة
والعيلة نزّلوها وسطة خرابة
يا موت أتمنّىٰ گلبي تِجبُر مُصابه